Ribadeo, 9 de marzo de 2023. Merécelo papá é a nova campaña da Asociación de Comerciantes, Industriais, Servizos e Autónomos de Ribadeo para celebrar o dia do pai neste 2023, que contempla o sorteo de varios agasallos entre as persoas que fagan as súas compras ata o 19 de marzo nos locais asociados.
A presidenta de Acisa, Carmen Cruzado, explica que “nesta campaña do día do pai desde Acisa Ribadeo sortearemos 8 premios. Trátase de 2 experiencias de desconexión para dúas persoas, doadas por Viaxes Eroski, de 1 Bono de 6 meses para BeOne Ribadeo e 5 ceas para dúas persoas xentileza de A Horta de San Roque, La Quinta, Javier Montero, El Rincón del Gordo e O Lar de Manolo”.
Cruzado Iglesias indica que “aquelas persoas que realicen as súas compras nos establecementos asociados a Acisa Ribadeo dende o 10 o 19 de marzo poderán cubrir algunha das 10.000 rifas editadas e repartidas para esta ocasión e así entrarán no sorteo destes 8 agasallos”.
O xerente de Acisa, Jesús Pérez, sinala que “nesta ocasión sorteamos estes 8 premios mediante rifas que hai que cubrir cos datos persoais: nome, apelidos e número de teléfono. Os comerciantes gardarán as rifas cubertas e seladas, que serán recollidas por persoal de Acisa os días 21 e 22 para a realización do sorteo non presencial nas nosas oficinas. Unha vez extraídas as papeletas gañadoras desde a asociación poñerémonos en contacto telefónico coas afortunadas e cos afortunados”.
Pérez Prada aproveita para insistir “na necesidade de seguir apostando polo comercio local para facer as compras destas datas e pola hostalería local para as celebracións familiares”.
Carme Cruzado, a presidenta do colectivo empresarial ribadense engadiu: “dende Acisa Ribadeo agradecemos a colaboración das empresas doantes dos premios BeOne, Viaxes Eroski, A Horta de San Roque, La Quinta, Javier Montero, El Rincón del Gordo e O Lar de Manolo, así como tamén á de Xunta de Galicia, que é a administración que financia esta campaña do día do pai”.
Descontos no combustible
Desde a directiva de Acisa lembran que “ata o 31 de marzo segue a campaña que puxemos en marcha a finais de xaneiro con Gasóleos Abelleira, que supón un desconto de 0,10 euros/litro de combustible. Distribuíronse 50.000 tarxetas entre os negocios asociados a Acisa para que estes as repartan entre a súa clientela por gastos ou consumicións superiores aos 5 euros. Esta campaña será de aplicación unicamente na estación de servizo que se atopa situada no polígono industrial. Este desconto non é compatible con outras promocións de Gasóleos Abelleira”.
E engaden desde a Asociación de Comerciantes, Industriais, Servizos e Autónomos de Ribadeo: “esta é a terceira edición desta campaña con Gasóleos Abelleira, ao que lle agradecemos a súa disposición. É unha iniciativa que funciona e que ten moi boa acollida”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
