Nota de Prensa
O BNG insta ao Concello a conservar e difundir o patrimonio histórico e cultural de Barreiros. Os nacionalistas presentan unha moción esta semana para o seu debate en pleno.
Barreiros, 28 de agosto de 2010. O BNG presenta unha moción na que insta ao Concello a conservar e difundir o patrimonio histórico e cultural de Barreiros. Os nacionalistas rexistrarán a súa proposta esta semana.
Desde o Bloque Nacionalista Galego consideramos que “é importantísimo para o noso concello a conservación do patrimonio existente. Barreiros ten un patrimonio rico en hórreos e en moitas edificacións singulares, así foron recollidas nas normas subsidiarias do ano 95. A raíz da destrucción hai unhas semanas do hórreo de San Miguel xurdiu tamén na población unha preocupación por coñecer cal é o patrimonio de Barreiros e cómo se conserva”.
Os nacionalistas lembran que “nos últimos anos houbo diversos atentados contra o noso patrimonio, a parte do caso de San Miguel tamén se produciu a destrucción dun hórreo en Viladaide aló polos anos 2003/2004; a destrucción dun castro importante en Benquerencia tamén por esas datas, atenuado en parte pola intervención de veciños da zona que alertaron do que diversas institucións, como Costas, estaban facendo cando a construcción dun paseo marítimo e tamén a destrucción do cruceiro de Viladaide no ano 2008, aínda non se soubo nada da súa desaparición, simplemente se soubo da súa substitución por outro construido recentemente. O cruceiro de Viladaide tiña máis de 100 anos de historia, recordamos tamén cando se destruira unha casa en San Caetano, a chamada Casa Consistorial no ano 2001”.
O grupo municipal do BNG entende que “tal e como di a lei do patrimonio cultural de Galicia, é deber das institucións, neste caso Xunta e Concello, velar pola conservación desta parte tan importante do noso patrimonio. En Barreiros hai hórreos, construccións singulares, casas blasonadas, mámoas, castros… en definitiva algo que debe encharnos de orgullo a todos os barreirenses, pero para iso hai que conservar ben o patrimonio que temos, poñelo en valor e difundilo, porque todos os bens que integran o patrimonio cultural de Galicia teñen que gozar de medidas de protección”.
O BNG engade que “por iso nós instamos ao Concello nesta moción a que tome medidas para preservar e conservar o patrimonio de Barreiros. Xa sabemos que coa nova elaboración do Plan Xeral de Ordenación Municipal o que importa é documentar todo ese patrimonio arquitectónico e histórico que temos, pero o que non queremos é que iso se quede nun caixón, por iso imos pedir tamén ao Concello que se acelere ese traballo e que unha vez feito se divulgue e se difunda para que os veciños coñezan o seu patrimonio e a súa historia e que o Concello faiga esa función que lle compete que é a difusión, a divulgación e a protección de todo o seu patrimonio. E sobre todo queremos insistir en que esta proposta vai ter o apoio de todos os grupos e todos os barreirenses nos debemos implicar na conservación do noso patrimonio porque si conseguimos poñelo en valor e difundilo é unha riqueza e un atractivo máis que ten o Concello de Barreiros”.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
