Viveiro, 18 de marzo de 2023. O Concello de Viveiro enviará o luns un escrito á Axencia Galega de Infraestruturas, dependente da Xunta de Galicia, “para o inminente repintado da LU-540, que une o noso municipio con Cabreiros”.
O tenente de alcalde, Jesús Fernández Fernández, lembra que en 2019, en plena campaña electoral, o anterior presidente da Xunta de Galicia, Alberto Núñez Feijoo, destacaba os tres grandes proxectos do candidato do PP Óscar Rodríguez para Viveiro: o Museo da Semana Santa, a mellora da fachada Marítima e a conexión Viveiro-Cabreiros.
“O Museo da Semana Santa, cun custe aproximado duns tres millóns de euros, non se fixo, e coa mellora da fachada referíanse a tirar os galpóns, cuestión que xa se estaba tramitando e que, polo tanto, foi vender fume”, asegura Fernández.
A conexión Viveiro-Cabreiros continúa pendente. “O pasado ano presentaron unha intención de trazado, á que se presentaron alegacións por parte de varias administracións, sen que nos conste que se lles dera resposta. Agora, en plena campaña, entendemos que van a sacar novamente este proxecto, anunciando a bombo e platillo o seu arranxo”, engade Fernández.
Trátase dunha estrada que está totalmente abandonada, con moitas curvas e un firme perigoso e co risco que conleva a existencia de animais soltos, rexistrándose un accidente hai un par de semanas. Ademais, hai moita dificultade para ver as liñas da estrada cando chove ou hai néboa.
“Polo tanto, mentres non se acometa a obra prometida, solicitamos que se pinte esa estrada, porque son moitos os veciños e veciñas da Mariña Lucense que a utilizan a diario, sobre todo dos concellos de Viveiro, Xove, Cervo, O Vicedo ou Ourol, ao ser a única estrada que teñen de unión con Lugo, Vilalba, Ferrol ou A Coruña, xa que a estrada da costa tamén está como está”, asegura o tenente de alcalde.
“Entendemos que o proxecto anunciado é necesario, pero dende o Concello de Viveiro instamos a que de maneira urxente e de forma provisional, mentres non se proceda a execución dese proxecto, se repinte a estrada LU-540, pois aínda que estamos acabando o inverno, estamos acostumados a que na Gañidoira haxa néboa e chuvias un día si e outro tamén e ante a falta de visibilidade o risco de accidentes aumenta nun 200%”, remata Fernández.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
