No pasado curso escolar a Xunta de Galicia cambiou o modelo de préstamo de libros no ensino obrigatorio que puxera en vigor a anterior Xunta e que se iniciara xa na Xunta de Fraga. Este modelo consistía en que os libros eran propiedade do centro escolar que llos prestaba ao alumno durante o curso escolar. Deste xeito, os mesmos libros eran empregados ata catro cursos escolares consecutivos, o que supoñía un aforro importante. Dito sistema ademais de máis austero tiña unha importante faceta educativa para os alumnos, no respecto e uso dun material que tiña que devolver.
Como decía, este modelo mudouno a Xunta de Feijoo, por outro en que os libros mércaos o alumno e son propiedade del, subvencionando a Xunta ás familias segundo o nivel de renda, aínda que preto da metade das familias non receben axudas xa que os niveis propostos son baixos. Modelo coñecido polo eufemismo de “gratuidade solidaria”. Este modelo tivo moitas críticas de diversos sectores educativos, posto que, non fai efectiva a gratuidade do ensino obrigatorio e supuxo un paso atrás na educación en Galicia.
De todos os xeitos, no presente curso escolar, conviven os dous sistemas, xa que os alumnos de terceiro e cuarto de Primaria e algúns cursos de ESO usan aínda os libros que son propiedade dos centros. A novidade é que a entrada en vigor da nova Lei do plurilingüismo no ensino fai obrigatorio que as Matemáticas se impartan en castelán, sendo preciso que todo o material esteña tamén nesa lingua.
Deste xeito, todos os alumnos de terceiro e cuarto de Primaria e de ESO recibirán en préstamo todos os libros, excepto o de Matemáticas, que teñen a eiva de estar en galego. Así que algo máis de 100.000 libros non poderán ser usados por estar escritos en galego e as familias terán que mercar o mesmo libro, pero eso sí, escrito en castelán.
Así que as familias terán que gastar máis de 3 millóns de euros en mercar libros novos para repoñer aqueles que están en galego. E por certo, houbo que sacar outra liña nova de axudas para as familias, que suporá un gasto absolutamente innecesario, xa que nos centros hai libros, e os máis de 100.000 libros en galego irán parar ás fogueiras.
Este é un exemplo do emprego espúreo da palabra máis na boca no actual goberno galego, a palabra “austeridade”.
J. Pedro Chao Polo
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
