O Concello tamén prevé a substitución das luminarias, para o que ten solicitado una axuda á Xunta de Galicia
Barreiros, 23 de marzo de 2023. O Concello de Barreiros vén de iniciar o procedemento de licitación das obras para renovar a cuberta do pavillón municipal, cuxo importe ascende a máis de 139.000 euros. As ofertas poderán presentarse por medio da plataforma de contratos ata o 18 de abril.
A alcaldesa explicou que se tratan dunhas obras financiadas integramente pola área de Deportes da Deputación, dirixida por Efrén Castro, tras a sinatura dun convenio entre ambas administracións que permite afrontar esta importante obra para unha instalación que dá servizo a gran parte da poboación, especialmente mocidade e crianzas.
Ademais destas obras, o goberno municipal prevé a substitución das luminarias, para o que teñen solicitada unha axuda de mellora da eficiencia enerxética á Xunta de Galicia, por un importe de máis de 54.000 euros.
A alcaldesa, Ana Ermida, agarda que nesta ocasión Barreiros poida ser beneficiario desta axuda correspondente ao Fondo adicional de Cooperación Local, para poder realizar as obras necesarias nunha soa vez e deste xeito deixar esta instalación deportiva, moi utilizada para distintos usos, renovada para os vindeiros anos. A rexedora fai estas manifestacións tras non poder contar con axuda da Xunta para a renovación da cuberta, para a que finalmente foi a área de deportes da Deputación quen facilitou os fondos.
O concelleiro de Dinamización, dentro da que se inclúen as actividades deportivas, Dani García; amosa a súa satisfacción por ser quen de xestionar esta cantidade de fondos para instalacións deportivas nun concello de pouco máis de 3000 habitantes, que nos permitirá contar cunhas instalacións renovadas e dignas para a celebración de actividades e eventos deportivos en Barreiros.
García lembra que este investimento se suma á renovación da pista de pádel, tamén coa axuda económica da área de deportes da Deputación, que ascende a 55.660€ e á dotación de equipamento das pistas exteriores, ao abeiro dun convenio coa área de Mocidade da Deputación, cun importe de 13.607, 51 euros. “Polo tanto, só en investimentos deportivos de certa entidade, deixando á marxe os realizados para as escolas deportivas municipais ou para os distintos eventos realizados directamente ou nos que se colabora, o Concello de Barreiros xestionou máis de 208.000 euros”.
Tanto a alcaldesa como o concelleiro manifestaron a intención do goberno municipal de seguir traballando para conseguir fondos cos que melloras as infraestruturas deportivas municipais e, nese sentido, avanzaron que contan cun proxecto para a adecuación da zona do ximnasio municipal e a nova dotación de servizos que será presentado ante a Xunta de Galicia nunha convocatoria de axudas que anunciaron que será convocada nos vindeiros días.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
