O portavoz popular, Javier Castiñeira, lembra que os novos trens encargados non entran nos túneles e sostén que “non é lóxico que na mesma vía os viaxeiros paguen nuns lados e noutros non, só para tratar de xustificar un erro”
Foz, 24 de marzo de 2023. A rede de Ferrocarriles Españoles de Vía Estrecha (FEVE) ten moito que mellorar en Galicia en todos os aspectos. Cando xa parecía que os usuarios lucenses deste servizo non podían ser sorprendidos con noticias desagradables con respecto a FEVE, vense discriminados polo feito de que non reciben o mesmo trato que, por exemplo, asturianos e cántabros, que poden disfrutar gratis deste ferrocarril como consecuencia do erro de cálculo que fixo que se encargaran trens que non collen polos túneles. O portavoz do PP en Foz, Javier Castiñeira, anuncia: “O grupo municipal do Partido Popular presentará unha moción no próximo pleno para que o Concello inste a FEVE a compensar do mesmo xeito que fai en Asturias e Cantabria aos veciños do tramo galego, dende Ribadeo a Ferrol, do mesmo xeito que o fai coas dúas comunidades citadas”.
Para os populares, “non é lóxico que, na mesma vía, os viaxeiros paguen nuns lados e noutros non, só para tratar de xustificar un erro que levará a un retraso na modificación dos equipamentos”. No PP piden “que os veciños de Foz, Ribadeo, Barreiros, Xove, en fin, de toda A Mariña, teñan o mesmo trato que, por exemplo, os nosos veciños do occidente de Asturias ou de Cantabria”.
Castiñeira sinala: “Aproveitaremos esta moción para que o Goberno nos diga o retraso que haberá na renovación da frota e queremos que os cambios que haberá por non ter contemplado o gálibo correcto non afecten nin a calidade dos novos equipos nin ao confort e a seguridade. Queremos que se cumpra un plan de investimentos moi necesarios nesta rede ferroviaria, que non está funcionando como piden os veciños; na Mariña queremos un tren do mesmo xeito que teñen noutros lugares de España e que se incrementen as frecuencias”.
No PP de Foz entenden, di Castiñeira, “que a situación é dun agravio totalmente inxustificado entre os usuarios galegos, por un lado, e cántabros e asturianos por outro, e esperamos que se corrixa o antes posible porque a día de hoxe os nosos veciños vense moi discriminados no uso dos servizos de FEVE”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
