Ribadeo, 28 de marzo de 2023. O Concello publicou a licitación do contrato de obras para a rehabilitación e mellora das escolas públicas municipais nas que actuará nos vindeiros meses. O concelleiro de Medio Rural, Marcos Villamil, contou hoxe que son 10 instalacións nas que Concello de Ribadeo e Deputación de Lugo investirán 240.000 euros. As empresas interesadas dispoñen de 20 días para presentar as súas ofertas.
O edil ribadense declarou: “estamos a dar un novo e definitivo paso para o arranxo dunha serie de Escolas e Teleclubs das nosas parroquias, tanto da costa, como do interior. Logo dunha longa tramitación de facer os proxectos técnicos, de buscar o financiamento entre o Concello e mais a Deputación de Lugo, de ter todos os permisos sectoriais necesarios, no día de onte publicamos a licitación do contrato de obras para rehabilitar e mellorar estes espazos públicos municipais”.
Marcos Villamil subliñou que “así, queremos amañar as escolas de: Couxela, Noceda, Piñeira, Piñeiro, Remourelle, Vilaselán, Vilela, Vilamariz así como as escolas nova e vella de Rinlo. Toda esta importantísima obra ascende a máis de 240.000 euros. O prazo de presentación de ofertas económicas é de 20 días e o prazo de execución das mesmas será de tres meses desde a sinatura do contrato”.
O concelleiro de Medio Rural lembrou que “estas novas obras véñense sumar ao que fomos executando neste mandato actual nos outros espazos públicos municipais que fomos amañando en Cedofeita, en Covelas, en Ove, en Rinlo, en Arante, as que acabamos e rematar en Cedofeita e as que estamos executando nestes días en Vilaframil e Vilaousende”.
Villamil dixo que “desde o goberno municipal queremos seguir dando servizos e queremos poder seguir ofrecendo actividades nas parroquias, polo que necesitamos ter lugares onde sexa agradable estar. Nalgúns casos hai que mellorar as carpinterías de exteriores, noutros hai que pintar as fachadas, noutros hai que amañar por dentro e por fóra, noutros hai que eliminar as goteiras, noutros temos que meter mobiliario e nalgúns temos que meter todo isto. E así, á volta do verán, dispoñeremos dunha ampla e moderna rede espazos públicos parroquiais para seguir facendo actuacións sociais, culturais, deportivas, etc…e buscando sempre ese equilibrio entre a vila e o campo”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
