A voceira socialista do Goberno denunciou no Pleno que o 14% das prazas de pediatría primaria están atendidas por médicos que non contan con esa especialidade e que hai complicacións co servizo en máis dunha ducia de concellos
Lugo, 28 de marzo de 2023. A Deputación de Lugo urxe á Xunta de Galicia a que garanta a cobertura pediátrica con especialistas a todos os nenos e nenas da provincia. Así se acordou no Pleno ordinario do mes de marzo celebrado este martes, a raíz dunha proposta presentada polo Goberno provincial, que saíu adiante cos votos a favor do PSdeG e do BNG e o voto en contra do PP.
Expuxo a voceira socialista, Pilar García Porto, que segundo os datos do sindicato O’Mega, en Galicia hai 11.000 nenos e nenas sen pediatra asignado e que, atendendo aos datos da Asociación Galega de Pediatría de Atención Primaria, o 14% das prazas de pediatría están atendidas por médicos que non contan con esa especialidade. Cuestión que demostra que “a xestión que se fixo da sanidade pública en Galicia é nefasta”.
“A infancia é unha etapa fundamental para as persoas, con doenzas específicas que requiren a atención de especialistas”, denunciou García Porto. Nese sentido, puxo sobre a mesa que na provincia de Lugo hai 2 prazas de pediatría sen cubrir nos centros de saúde, que o cadro de persoal de pediatras da provincia conta con 35 profesionais, dos que preto dun terzo -11- non son especialistas. “É o momento de tomar cartas no asunto por parte de quen ten a responsabilidade”, subliñou.
Denunciou García Porto que hai problemas na atención pediátrica en máis dunha ducia de concellos da provincia como Abadín, Alfoz, Baralla, Becerreá, Castro de Rei, Castroverde, O Corgo, A Fonsagrada, Foz, Mondoñedo, Outeiro de Rei, Ribadeo, ou O Valadouro. Puxo como exemplo o caso de Foz, que só ten pediatría a media xornada, cando é un servizo que comparte con outros concellos como os de Alfoz e O Valadouro.
A institución provincial insta tamén ao Goberno galego a que remate coa política de recortes de persoal e adopte as medidas necesarias para repoñer, coa maior brevidade posible, os cadros de persoal nos servizos de pediatría; e que atenda ás recomendacións das organizacións profesionais á hora de deseñar o modelo de atención de urxencias pediátricas, para evitar que a falla de atención nos centros de saúde se traduza logo no colapso dos centros hospitalarios.
Incremento do complemento das pensións
O Pleno tamén sacou adiante unha moción presentada polo grupo do PSdeG, cos votos a favor dos socialistas e do BNG e o voto en contra do PP, para que a Xunta de Galicia incremente o complemento autonómico das pensións non contributivas na mesma porcentaxe –do 15%- que o Goberno ten decretado para estas prestacións no conxunto do Estado.
Subliñou García Porto que o incremento do 6% en Galicia é moi inferior ao acordado polo Goberno do Estado, que as 4.400 persoas que perciben estas prestacións na provincia de Lugo recibirán da Xunta de Galicia, unha paga de 218 euros, o que supón “unha suba real de aproximadamente 13 euros” divididos en 14 mensualidades: “Unha cantidade que exemplifica ben o grao de preocupación dos gobernos do PP polos nosos pensionistas”.
“Nos 12 anos de goberno dos populares, o incremento total ten sido de 18 euros ao ano, é dicir, un incremento de apenas 0,75% cada ano”, denunciou a voceira socialista, que contrapuxo que grazas á suba das pensións aprobada polo Goberno do Estado, “un pensionista lucense percibe de media uns 80 euros máis ao mes”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
