Castiñeira explicou que “a devaluación do Plan Único é o mellor exemplo da xestión realizada polo goberno bipartito na Deputación de Lugo” que neste mandato os verbos que conxugou foron: “baleirar, conxelar, devaluar, maquillar e incumprir”
Lugo, 28 de marzo de 2023. O voceiro do Grupo Provincial Popular, Javier Castiñeira, sacou á luz “a falta de obxectividade no reparto de fondos por parte do goberno bipartito da Deputación” poñendo como exemplo que “dos 15 convenios asinados pola Deputación de Lugo cos Concellos neste 2023 por un importe de 5 millóns de euros, 10 foron con alcaldes do PSOE, 4 con concellos do BNG e 1 con alcaldes independentes. Cos Concellos gobernados polo Partido Popular -que ostenta a alcaldía en 31 dos 67 municipios da provincia- foron cero”, explica.
Así o expuxo Castiñeira na súa intervención durante o debate sobre a aprobación do Plan Único de Cooperación cos Concellos 2023, “conxelado e devaluado polo goberno bipartito da Deputación”. Nesa liña, lembrou que “subiron os orzamentos da institución, pero non incrementaron a cooperación cos Concellos, conxeláronllela. Mentres a Deputación de Lugo subiu un 18% o seu orzamentos nos últimos dous anos -un 8% no 2022 e un 10% neste 2023-, o Plan Único quedou conxelado nos 21,5 millóns de euros, a pesar de que o goberno provincial prometera ao inicio do mandato aumentalo”.
O PP pedía no seu momento “incrementar o Plan Único en 5 millóns de euros. Así en lugar de facer as 332 obras que din, probablemente poderiamos estar falando de 400. Pero, o señor Tomé usou eses 5 millóns de euros para afianzarse como líder dos socialistas de Lugo, a través de convenios asinados con alcaldes do PSOE. En lugar de cooperar cos Concellos que é unha das funcións principais das Deputacións provinciais, tirou da carteira para pagar as súas facturas políticas. Se pertences ao club do señor Tomé, tes opción a recibir suplementos electorais a modo de convenios”, segundo expuxo o voceiro dos populares.
Castiñeira lamenta que “ao resto de alcaldes lles tocara axustar e priorizar” á hora de levar a cabo proxectos para os seus Concellos. E felicitounos, igual que aos técnicos municipais por traballar para axustar e rendibilizar o máximo posible as achegas que reciben con este plan” e tamén aos técnicos da Deputación “por telo revisado no menor tempo posible. Son o mellor activo da institución provincial”.
O popular lembrou que “o Plan Único foi deseñado no ano 2017”, cando o Grupo Provincial con Elena Candia á cabeza negociou co goberno en minoría presidido por Campos un reparto obxectivo para tódolos concellos da provincia. “Se fora polo BNG tampouco habería reparto obxectivo”, subliñou. Así mesmo, ante as críticas do goberno bipartito sobre as achegas da Xunta, lembrou que “o Goberno galego achega aos Concellos lucenses a través do Fondo de Cooperación Local a mesma cantidade que a Deputación de Lugo a través do Plan Único “a pesar de que as competencias autonómicas son diferentes e máis diversas”.
BALANCE DO MANDATO
Facendo balance deste mandato, Castiñeira explicou que “a devaluación do Plan Único -nos momentos máis complexos cando máis o necesitaban os Concellos- é o mellor exemplo da xestión realizada polo goberno bipartito na Deputación de Lugo”. E engadiu “Tomé fixo o que lle pediu a señora Ferreiro: baleirar de contido esta institución”. Na mesma liña, Castiñeira sinalou que “os verbos que conxugaron dende o goberno bipartito neste mandato foron os de: baleirar, conxelar, devaluar, maquillar e incumprir”.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
