Villares: “a porcentaxe de débeda viva situábase no 1999 no 151%, e agora deixamos unhas contas 100% saneadas para as corporacións futuras”
Cervo, 1 de abril de 2023. O Concello de Cervo remata esta lexislatura “libre de hipotecas” por primeira vez en máis de 35 anos “xa que no orzamento do ano 1988 xa constaban operacións de crédito”.
Así o sinalou o rexedor, Alfonso Villares, que explicou que no último pleno ordinario que celebraremos a mediados de abril, aprobaremos unha modificación orzamentaria para amortizar o total dun préstamo libre de xuros que tiñamos contraído co Instituto Galego de Vivenda e Solo (IGVS)”, “polo que deixamos unhas arcas municipais 100% saneadas para as corporacións que veñan”.
O rexedor precisou que estamos a falar dunha boísima noticia, logo de varias décadas “coas contas públicas en certo modo condicionadas por estes préstamos do pasado”; foi un traballo de rigor e eficiencia económica de moitos anos, que nos foi permitindo diminuír a débeda de xeito considerable desde os 3,7 millóns de euros do ano 1999 ata a súa eliminación total neste ano 2023.
Neste sentido, o rexedor quixo puntualizar que os préstamos se foron amortizando pouco a pouco, “decidimos facelo así para non comprometer os orzamentos municipais, que destinamos a manter uns servizos públicos de calidade, algo que para nós é fundamental, e a materializar proxectos moi importantes para Cervo nestes anos”.
Sempre -engadiu Villares- “apoiándonos nunha xestión financeira rigorosa baseada, en todo momento, nos principios da eficiencia e da eficacia na xestión do gasto público”
Villares apuntou que desde este equipo de goberno somos moi conscientes de que unha boa xestión das arcas públicas é clave para poder levar a cabo investimentos e proxectos que consideramos fundamentais para o municipio e que podemos materializar e proxectar grazas a esta disciplina financeira, reiterou.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
