Burela, 6 de abril, 2023. Ás18.00 horas no Pavillón Municipal Vista Alegre de Burela disputouse o Pescados Rubén Burela FS – Full Energía Zaragoza cun resultado final 5-3. O Colo Colo non llo puxo fácil ao Burela esta tarde aínda que soubo manterse co dominio do balón en todo momento e finalmente conseguiron manter a defensa ante a continua situación de porteiro-xogador.
Na primeira parte Rikelme adianta o marcador 1-0 no minuto 2 de xogo. No minuto 14 pitan a sexta falta ao Burela e Jorge Tabuenca consegue empatar no dobre penalti, pero no 16 Eloy volve adiantar o marcador 2-1. No último minuto, tras unha ocasión clarísima de Isma que vai fóra, aparece Pazos cun golazo desde fóra da área.
Na segunda metade Isma consegue marcar máis distancias no marcador no minuto 1 cun gol despois dunha boa recuperación tras unha oportunidade de Antón que detén Guille Vela. Alfonso Rodríguez recorre ao porteiro-xogador e Alejandro Pasamón logra recortar distancia nos minutos 23 e 26, tras dúas asistencias de Shunta, chegando ao 4-3. No minuto 28 Isma declara o 5-3 final cun golazo desde a banda.
Segundo Alfonso Rodríguez “Cando te enfrontas a un rival que constantemente ameaza non sabes en que momento poden marcar eles gol, o que si que tentamos é, unha vez o partido se abriu 4-1, intentar meternos no partido e co porteiro xogador conseguímolo”. “A verdade é que o Burela, alí na ida tamén, o balón manéxano moi ben, eu creo que ata na primeira parte eles manexaron o balón moi ben, é unha cousa que fan estupendo”.
Con 3 puntos máis, o equipo mariñán prepárase para o partido máis dificil da tempada, o sábado da semana que vén, contra o Peñíscola. David Rial espera “un partido moi bonito en Peñíscola, …, é un partido que nos ten que motivar ante un rival que vai estar tremendamente motivado por proclamarse campión e ascender na súa casa”,”creo que tamén é un bo momento para que nos veña Peñíscola, para que nos poñamos a un bo ton competitivo e simular o que nos vén nun par de meses”.
Ficha Técnica Pescados Rubén Burela FS – Full Energía Zaragoza
Pescados Rubén Burela FS: M. Kaluza (P), Pitero, Isma, Rikelme, David Pazos – cinco inicial -, Nito, Lucho, Nando, Alberto, Antón Arnejo, Eloy, Bruno (P).
Full Energía Zaragoza: Guille Vela (P), Zucho, Jorge Tabuenca, Alejandro Pasamón (C), Shunta Uchida – cinco inicial -, Aitor Abenia, Óscar Chaparro, Alvarito, Iván Romero, David India (P)
Goles: Min.2 Rikelme 1-0; min.14 Jorge Tabuenca 1-1; min.16 Eloy 2-1; min.19 David Pazos 3-1; min.21 Isma 4-1; min.23 Alejandro Pasamón 4-2; min.26 Alejandro Pasamón 4-3; min.28 Isma 5-3.
Equipo Arbitral: Daniel Ontañón Ramos, Pablo Coello Martínez, Eva López Seijas.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
