José Tomé Roca participou este domingo na aprobación do Programa Marco dos socialistas para as eleccións municipais e na clausura da Conferencia Municipal de Valencia a cargo de Pedro Sánchez, un acto que reuniu a milleiros de persoas no Palacio das Artes e das Ciencias
Valencia, 16 de abril de 2023. O carácter municipalista do PSOE saíu reforzado na conferencia celebrada este fin de semana en Valencia, na que o partido, dentro do Programa Marco para as vindeiras eleccións locais do 28 de maio, acordou potenciar o papel das deputacións dotándoas de máis recursos económicos e persoal.
Os socialistas cumpren deste forma coa reivindicación que leva realizando o Secretario Xeral do PSdeG na provincia de Lugo, José Tomé Roca, durante todo este mandato 2019-2013, sobre todo no seo da Comisión de Deputacións da Federación Española de Municipios e Provincias (FEMP), da que forma parte como presidente da institución provincial lucense.
“As deputacións xogamos un papel indispensable para que os concellos, sobre todo os máis pequenos, poidan ofrecer os servizos básicos ós seus veciños e veciñas, e mellorar as súas dotacións, polo tanto, para avanzar cara a cohesión social, a igualdade de oportunidades e o equilibrio territorial”, subliñou José Tomé, quen por elo enxalzou o acordo que o PSOE vén de adoptar para potenciar as entidades provinciais.
Para que cumpran con maiores garantías este papel, o Partido Socialista acordou impulsar unha nova lexislación reguladora da Administración local que reforce a autonomía municipal e potencie o papel das deputacións dotándoas de competencias propias como parte do goberno; a adaptación permanente das administracións provinciais a unha realidade en constante cambio para favorecer a eficacia e a eficiencia; e a dotación financeira suficiente a través de medidas lexislativas que supriman a regra de gasto e a limitación da reposición de efectivos nas plantillas, permitindo que dispoñan dos medios materiais e persoais necesarios para o bo exercicio das súas competencias.
Así mesmo, entre outras medidas, os socialistas aprobaron promover un novo marco de revisión e regulación do sistema de participación nos ingresos do Estado; a participación das deputacións nos tributos das comunidades autónomas; establecer de novo a cooperación económica do Estado nos investimentos dos plans provinciais de cooperación de obras e servizos; e instar a través do Goberno de España á Comisión Europea a que nos fondos de desenvolvemento rexional se cree unha reserva específica para loitar contra o despoboamento, que sería xestionada polas deputacións, cabidos e consellos insulares en coordinación cos concellos afectados.
O Secretario Xeral do PSdeG na provincia participou este domingo na aprobación do Programa Marco dos socialistas para as eleccións municipais e no acto de clausura da Conferencia Municipal de Valencia a cargo do Secretario Xeral do PSOE e Presidente do Goberno de España, Pedro Sánchez, un acto que reuniu a milleiros de persoas de todo o país no Palacio das Artes e das Ciencias.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
