Sandra de Bernardo amósase agradecida por formar parte da candidatura e quere traballar para que “os máis novos teñamos oportunidades para traballar e vivir no noso municipio”
Xermade, 18 de abril de 2023. A candidatura do Partido Popular ás vindeiras eleccións municipais que encabeza Antonio Riveira incorpora como número 2 da lista a unha veciña de Cazás de 24 anos, Sandra de Bernardo, que é membro de Novas Xeracións e conta con formación en Márketing e Publicidade e tamén en Relacións Laborais e Recursos Humanos.
De Bernardo asegura estar “moi ilusionada e con moitas ganas” de traballar por Xermade, “un concello pequeno, pero moi especial. Tanto pola súa xente como polas súas fermosas paisaxes”, destaca. Así mesmo, indica que “dende sempre vin a política como algo necesario e interesante porque axuda a mellorar a vida das persoas e facer o seu día a día máis fácil”.
A número 2 da candidatura do PP de Xermade agradece “a oportunidade de formar parte da candidatura ás vindeiras eleccións municipais no meu municipio” e avanza que “estou disposta a traballar, xunto aos meus compañeiros, para que os máis novos teñamos oportunidades laborais que nos permitan atopar un emprego e quedar a vivir no noso municipio”. Así mesmo, subliña outro dos puntos relevantes do programa dos populares: “potenciar e poñer en valor o noso rural”.
EQUIPO REPRESENTATIVO DA POBOACIÓN DE XERMADE
O alcaldable popular, Antonio Riveira, destaca que “Sandra de Bernardo representa ás novas xeracións do PP e á xuventude con preparación e ganas de traballar”. Riveira engade que, “xunto ao resto do equipo, formaremos un grupo de traballo polo Concello de Xermade integrado por persoas que representan a tódolos ámbitos da poboación, idades, parroquias e actividades”.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
Ao longo desta semana, máis de 40 científicas, divulgadoras, xornalistas e activistas participan nunha campaña simultánea en todo o Estado para achegar á cidadanía as consecuencias que os recentes ataques a Irán poden ter na vida cotiá. No marco desta iniciativa, celebrarase en Ribadeo un acto informativo o venres 17, na Escola Municipal de Música, ás 19:00 horas. Toda a información sobre o No Normal Tour está dispoñible en: 
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
A parada principal foi Cee, onde a expedición foi recibida no Museo Fernando Blanco, afondando nos vínculos históricos entre ambos municipios. Durante a visita, o director do centro destacou a “dobre conexión” entre Ortigueira e Cee, lembrando a figura de Manuel Rebollar, músico ortegán que dirixiu a Banda de Música de Cee entre 1927 e 1940. O recordo ao artista foi un dos momentos máis emotivos da xornada, ilustrando os lazos culturais que unen ás dúas localidades desde hai case un século.
