Burela, 28 de abril de 2023. O Concello instalou un panel informativo sobre o muíño de Cinoche na Vila do Medio.
Esta actuación enmárcase dentro da subvención de 30.000 euros recibida e destinada á realización de diversas melloras no Monte Castelo e noutros lugares turísticos de Burela.
O alcalde, Alfredo Llano, explicou que “no muíño que había en Cinoche, na Vila do Medio, acabamos de colocar un cartel informativo no que se ve como era e como funcionaba este muíño”.
O rexedor dixo que “esta actuación forma parte do proxecto de mellora do Monte Castelo, que combina turismo, medio ambiente e etnografía. O muíño de Cinoche está na ruta circular de sendeirismo, co que agardamos que sexa un atractivo máis para as persoas que acudan a desfrutar deste deporte e tamén de toda esa contorna”.
As obras de mellora na Área Recreativa do Monte Castelo incluíron a colocación de mesas e bancos, segundo indicou o alcalde: “incluso vamos poñer unha especie de pedestal para que os nenos pequenos poidan subirse e usar o telescopio. Tamén instalamos mesas e bancos novos para sentarse a merendar ou simplemente a falar. E ademais imos plantar árbores autóctonas de interese botánico”.
Llano considera que “en pouco tempo rematarán todos estes traballos, que cambiarán a imaxe do Monte Castelo. Animamos aos veciños e ás veciñas de Burela a facer sendeirismo, a ver e a gozar de todas as actuacións realizadas. E para a xente da comarca e para os turistas vai ser un motivo máis para visitar o noso concello”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
