Ribadeo, 3 de mairo, 2023. Despois de varios cursos sen levar a cabo intercambios, o IES Ribadeo Dionisio Gamallo volveu recuperar aos seus socios do Karl von Frisch Gymnasium de Dusslingen, e unha nova xeración de alumnos e alumnas ribadenses, como embaixadores junior do Parlamento Europeo, visitaron Alemaña durante sete días para coñecer algunha das cidades máis importantes da rexión de Baden-Württemberg e comparar o sistema educativo asistindo ás clases no instituto alemán e descubrindo a súa cultura.
Durante estes días nos que acompañou o bo tempo, agás algunha treboada pasaxeira, puideron coñecer Estrasburgo e o campo de concentración de Struthof-Natzviller, a escasos 50 quilómetros da cidade, achegándose así aos dous polos extremos das relacións humanas: a guerra por unha parte, con todas as atrocidades e catástrofes máis alá do imaxinable, e por outro lado o desexo de paz, progreso e cooperación que son valores primordiais da Unión Europea e que lembramos durante o paseo polas institucións desta cidade francesa que produciu a Marsellesa e a bandeira azul con estrelas douradas. Deixándonos levar polo fluír lento do río Ill pasamos da Petite-France ata os modernos edificios que albergan durante varios días cada mes a vida política presente e futura de Europa.
A segunda viaxe longa levounos ata Heidelberg, a cidade con fama de ser a máis bonita de Alemaña e coas rúas peonís máis longas, tamén é a cidade alemá coa Universidade máis antiga (1386), pola que pasaron ao longo dos tempos non só o máis insigne escritor alemán, W. Goethe, senón tamén Martín Lutero, os filósofos existenciales Alfred Weber e Karl Jaspers, Hegel, o pai da dialéctica, o novelista estadounidense Mark Twain, o pai do romanticismo alemán Joseph von Eichendorff, o músico Shumann, o pintor británico William Turner, o creador da primeira táboa periódica dos elementos Dmitri Mendeléyevl, o químico Robert W. Bunsen, a filósofa Hannah Arendt, J. Habermas, M. Weber, H.G. Gadamer o creador da hermenéutica filosófica,… un listado inacabable que agardamos que siga aumentando ao infinito.
A 40 quilómetros ao norte está a capital desta rexión e unha das seis cidades alemás máis alemás: Stuttgart, unha cidade completamente destruída polos bombardeos na IIª Guerra Mundial (os seus escombros converteríanse no monte Birkenkopf, coñecido como monte Scherbelino), e berce da industria do automóbil. A visita ao museo Mercedes-Benz é obrigada e inevitable sem pretender caer en comparacións.
O centro alemán está a escasos quilómetros de Tübingen, cidade universitaria por excelencia (de feito a segunda máis antiga de Alemaña) e que conserva a mesma formalidade estudiantil que cando Schelling, Hegel, Hölderling e o inevitable Goethe estudaron na súa mocidade, ou o físico Geiger, o astrónomo J. Kepler,…
Estamos convencidos de que as experiencias vividas marcarán positivamente esta etapa estudantil do noso alumnado, que recibirá aos seus colegas a finais de xuño completando así un ciclo de aprendizaxe e unha nova etapa no coñecemento do sistema educativo, a cultura e a forma de vida e de traballo dos nosos veciños.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
