O espectáculo volveu este sábado á Bombonera con 17 goles e dúas vitorias para os equipos locais
Burela, 6 de maio, 2023. Despois dunha festa para compartir a Copa da Raíña con todxs xs veciñxs e afección de Burela durante a tarde de onte, festa que encheu a Praza da Mariña. Hoxe as 16.30 horas no Pavillón Municipal Vista Alegre de Burela disputábase o encontro da xornada 29 de Segunda Federación de Futsal Masculino, Pescados Rubén Burela FS – CDE El Valle, cun resultado final 6-3 para os mariñáns. A as 18.00 horas e, a continuación, ás 20.30 horas o partido de a xornada 27 de Primeira Federación Feminina de Futsal, Pescados Rubén Burela FS – Viaxes Amarelle que resultou 7-1 para as locais.
No primeiro encontro, comezan a chover os goles no minuto 1, cun gol de Lucho tras un pase de David Pazos, que pouco despois ten unha das oportunidades máis claras do encontro cun disparo que choca co pau en a escuadra da portería. Segundos despois Rikelme marca o 2-0 cun disparo desde fóra da área e outros poucos segundos máis tarde, de novo Pazos anota o 3-0. Continúa Pazos sumando puntos para o seu equipo no minuto 7 cun golazo desde a banda pola escuadra. Remata Antón Arnejo o festival de goles do primeiro tempo co 5-0 tras unha recuperación e pase de Pazos na área rival. Chega o descanso.
Na segunda parte comeza a apertar o CDE El Valle e no minuto 29, Rubio consegue o seu primeiro tanto tras unha recuperación a media pista. Chega a quinta falta do equipo visitante no minuto 32 e no 33 Alberto ten unha clarísima oportunidade tras un moi bo pase de David Pazos, que vai ao pau. Comeza o equipo madrileño a atacar de 5 no mesmo minuto e atopa o gol no 35 cun tanto do propio porteiro-xogador, Orzáez, tras un pase de Dani Gómez. Continúan presionando coa mesma estratexia e chega o terceiro cun disparo desde fóra da área de Dani Gómez. Tras dúas oportunidades de Pitero unha que detén Á. León e outra que sae fóra chega o terceiro gol de Pazos a portería baleira cando o equipo rival continua atacando con porteiro-xogador.
Pedro Fernández Hernaiz recoñece os erros cometidos, sobre todo na primeira parte, “hai 10 minutos nos que non estamos á altura nin do rival nin da competición tan importante na que estamos a xogar, póñense 5-0 e tócanos remar”. Por parte do equipo burelense, David Rial “Creo que na primeira parte estivemos moi moi ben, creo que estivemos na liña do que fomos durante a semana, fixemos unha semana de adestramentos a un nivel que facía tempo que non estabamos”. A un partido de rematar a tempada e comezar a fase dos playoff, en o que o Pescados Rubén Burela FS se vai enfrontar ao Sala 10 Zaragoza, Rial opina sobre o rival “con respecto ao Zaragoza un moi bo equipo, dos que máis me gustan da categoría con moito traballo sobre todo no balón parado e en situacións de porteiro”. “Gañando en Vista Alegre estamos en Primeira División, pode soar fácil pero é moi difícil. Pero creo que durante todo o ano demostramos que en casa somos moi fortes, que todo equipo que vén aquí vén con certo temor”. O día 20 comeza o primeiro encontro en Vista Alegre, onde se espera que Burela envórquese co equipo para lograr ascender á primeira categoría.
No encontro de Primeira Federación de Futsal Feminino o Pescados Rubén Burela FS domina o encontro de principio a fin. Na primeira parte comeza a protagonista da final da Copa da Raíña, Patricia, cun gol de rexeite no minuto 7 tras un disparo de Irene Samper. No minuto 12 Antía consegue o 2-0 cun gol tras un moi bo pase de Peque. No minuto 14 Laura Doce anota o 3-0 cun gol en propia e no 18, de novo Antía consegue o cuarto cun remate de cabeza tras un saque de corner por parte de Jenny. Segundos despois Dany recupera o balón no seu campo e tras a contra anota o 5-0 cun disparo raso desde fóra da área. Chega o dencanso 5-0 no marcador.
Na segunda parte chega o 6-0 en minuto 21 cun gol de Jenny tras unha boísima combinación con Dany e no minuto 23 chega o sétimo tanto do conxunto laranxa cun disparo de Saki desde fóra da área tras un pase de Dany. É entón cando o adestrador do cadro mariñán, Julio Delgado, decide dar a oportunidade de xogar e experimentar un encontro en Primeira Federación a as xogadoras xuvenís da base convocadas para este encontro, Claudia, Ester, Dasha, Sonya e Masha, aguantan os últimos 10 minutos de partido de forma moi sobresaínte. Saíndo a pista de forma escalonada, o equipo coruñés soamente logra encaixar un tanto no minuto 35 cun gol de Tety tras unha recuperación a media pista e pase de Carol Agulla.
Sobre o encontro o técnico Julio Delgado móstrase moi satisfeito co encontro, “vou moi contento de volver outra vez á liga despois de gañar unha Copa da Raíña, nunca é fácil cambiar de competición, pero demostraron seriedade e fixemos un partido cómodo”, sobre a decisión de dar a oportunidade de xogar ás 5 xogadoras xuvenís que apoian ao equipo estando xusto en persoal sobre todo en convocatorias da selección “sen dúbida son minutos que lles van a servir de moito, de moitísima experiencia en Primeira División, son importantes porque o ritmo da competición súa é moi diferente, hai unha diferenza abismal. Encantado porque responden e tómano con moitísima ilusión e ao final son minutos que lles van ha facer moi ben no futuro”. Esta semana tocará centrarse no próximo encontro, que será un rival difícil, o Alcantarilla, cunha longa viaxe e unha cancha complicada.
Ficha Técnica Pescados Rubén Burela FS Vs CDE El Valle
Pescados Rubén Burela FS: M. Kaluza (P), Lucho (C), Nando, Rikelme, David Pazos – cinco inicial -, Nito, Pitero, Alberto, Antón Arnejo, Eloy, Bruno (P).
CDE El Valle: R. Monroy (P), Orzáez, Charly V., J. Martín – cinco inicial -, Cuadrado, Rubio, Dani Gómez, Javi Martín, Colón, Víctor López, Manu C., Víctor, Á. León (P)
Goles: Min.1 Lucho 1-0; min.1 Rikelme 2-0; min.2 David Pazos 3-0; min.6 David Pazos 4-0; min.9 Antón Arnejo 5-0; min.24 Rubio 5-1; min.35 Orzáez 5-2; min.37 Dani Gómez 5-3; min.38 David Pazos 6-3.
Equipo Arbitral: Adrián Calleja e Gael García.
Ficha Técnica Pescados Rubén Burela FS Vs Viaxes Amarelle FSF
Pescados Rubén Burela FS: Caridad (P), Dany, Peque (C), Jenny, Irene Samper, Patricia – cinco inicial – Saki, Claudia, Antía Pérez, Dasha, Masha, Sonya, Ester (P).
Viaxes Amarelle FSF: Leti Rojo (P), Claudia Lobo, Cris Lourés, Èlia Gullí, 13 Carol Agulla – cinco inicial -, Lau Doce, Marta Hermo, María Gómez, Carlita, Tety, Estelita, Laura Rivas, Nerea Ramallo (P)
Goles: Min.7 Patricia 1-0; min.12 Antía Pérez 2-0; min.14 Lau Doce 3-0; min.19 Dany 4-0; min.19 Antía Pérez 5-0; min.22 Jenny 6-0; min.26 Saki 7-0; min.36 Tety 7-1.
Equipo Arbitral: Daniel López, Javier Menéndez, Andrea de Luis, Esteban Gómez.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
