Viveiro, 10 de maio de 2023. O Concello de Viveiro anuncia unha das iniciativas que levará a cabo co gallo do Día das Letras Galegas que se celebra o vindeiro mércores, día 17, e que este ano rende homenaxe a Francisco Fernández del Riego.
A axenda cultural da vila mariñá sempre inclúe nesta data unha ampla oferta de actividades e propostas para todas as idades, que comeza xa dende o luns cun xesto de agradecemento a todos aqueles viveirenses e viveirensas que fan uso da Biblioteca Municipal.
O concello quere recoñecer o labor dos seus usuarios e usuarios, consumidores habituais de literatura, moita dela en galego, cunha bolsa que inclúe a lenda: “Orgullo de ser Galeg@s e de Viveiro”.
“Estamos moi satisfeitos do labor que se fai dende a Biblioteca Municipal para achegar á cultura a todas as casas da vila”, afirma a alcaldesa, María Loureiro.
Dende o día 15, e ata esgotar existencias, todos os socios e socias da Biblioteca recibirán esta bolsa conmemorativa do Día das Letras Galegas, unha por abonado e abonada e totalmente de balde. Tamén recibirán o agasallo as novas altas.
“Queriamos poñer en marcha esta iniciativa a prol dos nosos usuarios e usuarias porque para nós é moi importante agradecerlles todo o apoio que nos brindan ao longo do ano e o viva que manteñen a Biblioteca”, subliña Lara Fernández Fernández-Noriega, concelleira de Cultura.
“Agardamos que as persoas que van a Biblioteca desfruten deste agasallo e que os novos usuarios e usuarias desfruten das súas marabillosas instalacións”, engade a concelleira, que adianta que en breve se dará a coñecer o resto da programación do Día das Letras Galegas, “que como sempre virá cargada de música, letras e teatro”.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
