Foz, 10 de maio de 2023. O Concello de Foz vén de publicar a súa nova web municipal, un traballo de modernización imprescindible que trae novidades importantes en materia de adaptación ás novas tecnoloxías. Unha das novas máis destacadas é a presenza da radio municipal en emisión online. Un paso moi importante para a dinamización da emisora local, punto de encontro e información para todos os cidadáns de Foz, que agora se estende tamén aos que viven fóra. A súa ligazón na web posibilita que se poida escoitar en todos os lugares do mundo, para quen estea preto ou lonxe e queira saber das voces do seu pobo.
A nova web facilita a consulta de moitos servizos municipais, sendo máis visuais e sinxelos. Na parte de urbanismo, ademais de informar dos distintos procedementos, pódese acceder ao PXOM municipal ou descargar a planimetría do inventario de camiños. Cuestións como os símbolos do municipio -escudo, bandeira ou tamén o novo logotipo- poden ser atopados e descargados da web no apartado “Concello”. Existe tamén unha guía municipal moi completa e enlaces sinxelos ás ordenanzas municipais e á sede electrónica do Concello.
A cultura tamén ocupa un lugar moi importante da páxina, xa que se poderá consultar a axenda municipal de eventos e toda a actualidade con só unha ollada. Ademais o cronista oficial de Foz conta cun espazo propio para a publicación de textos sobre a historia de Foz: a “Bitácora focega”.
A web continuará sendo actualizada coas novidades que se produzan no concello, buscando ser unha ferramenta de uso sinxelo para todos e unha ventá atractiva para a consulta e o coñecemento de Foz. Traballo que se complementará coa nova web de turismo, que está en elaboración e que afondará nos recursos e nas posibilidades que ten o noso concello neste ámbito.
O alcalde de Foz, Fran Cajoto, móstrase “moi satisfeito por un traballo que xa se debería ter feito hai moitos anos, pero quedou estancado desde a páxina creada polo anterior goberno socialista. A nova web é unha ferramenta útil, áxil e sinxela. Desde a páxina temos ligazóns directas a creacións realizadas neste mandato como a web de arquivo dixital de Foz (arquivoconcellodefoz.com) ou a páxina de promoción do noso municipio viveytrabajaenfoz.com. Pero quizais a novidade principal é que agora dispoñemos de emisión online de Radiofoz. Non só para os que viven fóra: a sinal de radio non chegaba a tódolos fogares do concello e por fin vamos poder escoitala en todas partes: agora si entramos no século XXI”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
