Obxectivo: A iniciativa audiovisual reúne a referentes do deporte e a cociña provincial na promoción da alimentación saudable e o produto de proximidade quilómetro cero
Lugo, 9 de maio, 2023. O programa Sabores saudables que a Uned Lugo estreará moi proximamente no marco da iniciativa #UNEDLife ten como obxectivo acompañar a deportistas profesionais de clubs lucenses para coñecer as súas rutinas nutricionais e retalos a cociñar da man de parte dos mellores chefs da provincia.
Todas as receitas que prepararán os deportistas lucenses se elaborarán con produtos locais (quilómetro cero) e de tempada.
«Collemos a deportistas moi recoñecidos para as nosas afeccións co fin de chegar ao maior número de espectadores e divulgar a mensaxe principal da campaña: o fomento da vida saudable baseada no deporte e no coidado da alimentación», explica Ana Traseira, directora da Uned en Lugo.
«Sabores Saudables é un eloxio unánime por parte do talento deportivo e culinario ao magnetismo do extraordinario produto da nosa Terra», engade Carlos García, codirector do proxecto #LugoNaturalMente. A iniciativa promovida pola Uned conta coa colaboración de clubs e deportistas como o CB Breogán, o CV Emevé, o CB Ensino e Sara Folgueira. Tamén prestan a súa axuda algúns dos restaurantes máis recoñecidos da provincia, como o España, Os Cachivaches, Canedo, Colón e Paprika, incluíndo aos seus chefs — Héctor López, Alejandro Méndez, Nardo Eiroa, Santiago Almuiña, Álvaro Villasante e— que serán os coach dos deportistas lucenses.
Cada unha das receitas contará cun alto valor nutritivo e saudable que será avalado pola nutricionista Ángeles Novo. A realización do proxecto, a cargo de Hugo Fernández Balseiro e Gael Carballo difundirase nas redes sociais da Uned de Lugo: YouTube, Instagram, Facebook e Twitter.
A Uned de Lugo mira cara ao futuro, asumindo novos retos, e de aquí naceu o proxecto #UNEDLife, ao abeiro da celebración do quincuaxésimo aniversario da Uned e dentro do exitoso proxecto #LugoNaturalMente, para traballar a prol do ODS 3, saúde e benestar, que ten coma fin garantir unha vida sa e promover o benestar para a cidadanía.
O proxecto #LugoNaturalMente, que arranca no ano 2019, leva colleitados cinco galardóns a nivel nacional: tres premios consecutivos do Consello Social da Uned, que recoñecen a mellor práctica levada a cabo por un Centro Asociado e dous do Observatorio Nacional de ODS, convertendo a #LugoNaturalMente e á UNED de Lugo nun referente do desenvolvemento territorial sostible a nivel nacional.
Este proxecto, presentado polo reitor da Uned Ricardo Mairal, conta no seu comité técnico con catro profesionais do ámbito universitario e deportivo lucense: Ana Traseira, directora da Uned de Lugo, Carlos García, xestor de administración da Uned Lugo, Salva Arco, xerente da Fundación Breogán e Sara Meijide, responsable de Hoy por Hoy Lugo en Radio Lugo Cadena SER.
O proxecto conta con colaboracións de profesionais do deporte, da saúde, do xornalismo deportivo e da sociedade civil cos que a Uned teceu alianzas.
O obxectivo é o fomento dunha vida saudable baseada no deporte, da que medran as catro ramas nas que se desenvolve o traballo desta iniciativa, que son as seguintes: a promoción do benestar social, o coñecemento de todas as categorías do deporte lucense, a vinculación das efemérides do calendario coa práctica do deporte e colaboracións tan relevantes como a da Asociación Española Contra o Cancro (Aecc) e a Fundación Breogán.
Nas actividades celebradas ao abeiro do programa #UNEDLife ao longo do curso rexistráronse 3.300 inscricións nas 28 actividades celebradas, contándose con profesionáis da medicina como Juan Carlos G. Juanatey, Luis Pérez del Llano e Pedro Reimunde; da psicoloxía, como Denís Fernández Valcárcel, e Pilar Pavón; da nutrición, como Ángeles Novo; da investigación, como Cintia Folgueira; da actividade física, como Ángel Pérez, entre outros; con entidades coma a Aecc; Cruz Vermella, Fundación Breogán…, e entidades deportivas como o CB Breogán, o CD Lugo, o Emevé e o Ensino, entre outras.
España ‘Ravioli de boi con emulsión de pataca e fideos de cabaciño’.
• Deportista: Laura Aliaga.
• Club: CB Ensino.
Os Cachivaches ‘Arroz de espárrago branco, flor de ovo e crema de guisantes’.
• Deportista: Erik Quintela.
• Club: CB Breogán.
Colón ‘Merluza en semisalazón con tomate recheo de verduras asadas’.
• Deportista: Sara Folgueira.
• Club: CV Emevé.
Canedo ‘Tallaríns de calamar picantes con tomates en tres texturas’.
• Deportista: Sergi Quintela.
• Club: CB. Breogán.
Paprika ‘Xurelo case cru con grelos escollidos’.
• Deportista: Sara Álvarez.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
