No marco das actividades das Letras Galegas preséntase tamén un novo material promocional que se distribuirá entre a veciñanza de Lourenzá producida por Ouvirmos co apoio da Xunta e que inclúe unha fotonovela e pasamentos sobre o autor
Vigo, 15 de maio de 2023. A Xunta de Galicia, a través da Consellería de Cultura, Educación, FP e Universidades, e a distribuidora alimentaria Vegalsa-Eroski botan a andar un ano máis a campaña Letras Galegas para festexar o 17 de maio e homenaxear a Francisco Fernández del Riego cunha tirada especial de bolsas e carteis que chegarán a 215 establecementos da rede Eroski e Autoservicios Familia.
No acto de presentación, que incluíu unha pegada simbólica de carteis esta mañá no Eroski Center de Portanet, en Vigo, participou o secretario xeral de Política Lingüística, Valentín García, quen lles lembrou aos presentes que se hoxe celebramos o Día das Letras Galegas “é por iniciativa de Francisco Fernández del Riego, que o ideou e o promoveu para unir a todos os galegos e galegas arredor da nosa lingua e da nosa cultura e que, co paso dos anos, se converteu nunha das celebracións máis importantes de Galicia”.
Canda o representante da Consellería de Cultura, Educación, FP e Universidades tamén participaron o director de hipermercados, supermercados e gasolineiras Eroski, Florentino Vázquez; a directora de Sustentabilidade e Comunicación Corporativa de Vegalsa-Eroski, Gabriela González, e o director de Márketing da compañía, Julián Hernández.
Carteis e bolsas conmemorativas
Desde hoxe, máis de 200 establecementos da distribuidora alimentaria contarán nas súas instalacións cos carteis gañadores na categoría de Primaria e Infantil do Concurso-Exposición Letras Galegas 2023 da Xunta, deseñados polo alumnado e profesorado do CEIP Juan Rey de Lourenzá, vila natal de Francisco Fernández del Riego.
Ademais, distribuiranse 21.000 bolsas de papel e máis de 1.400.000 bolsas de plástico coa inscrición Estamos a poñer en marcha algo grande, extraída dunha carta persoal do homenaxeado dirixida a Ramón Piñeiro no ano 1950 a na que facía referencia á fundación da Editorial Galaxia.
Ampla programación polas Letras Galegas
Esta campaña enmárcase na programación de máis dun centenar de accións que o Goberno galego, a Real Academia Galega, o Consello da Cultura Galega e a CRTVG, en colaboración con numerosas empresas, entidades, administracións locais e editoriais, impulsan para celebrar o 60 aniversario das Letras Galegas e homenaxear a Francisco Fernández del Riego.
Entre as distintas actividades tamén se inclúen accións como a realizada hoxe polo director xeral de Cultura, Anxo M. Lorenzo, e o delegado territorial da Xunta en Lugo, Javier Arias, que presentaron o folleto Vivo na vila de Francisco Fernández del Riego editado co gallo das Letras Galegas co apoio da Xunta.
Producido pola empresa Ouvirmos, quere achegar nun formato orixinal e moi visual a figura do ilustre laurentino á cidadanía. O folleto inclúe, entre outros contidos, unha fotonovela ao redor da vida do poeta, apartados especiais sobre a súa obra escrita e activismo literario, así como pasatempos vinculados coas localidades vitais e obra de don Paco. Será distribuído a toda a veciñanza da súa vila natal de Vilanova de Lourenzá, e ao público participante nas diferentes iniciativas que se desenvolvan na vila.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
