Mondoñedo, 20 de maio de 2023. Ante as constantes e crecentes críticas que ultimamente se están a difundir pola nosa cidade en relación á obra de mellora da accesibilidade á Praza da Catedral e, entendendo que non se basean en feitos reais, o Partido Popular de Mondoñedo quere pór en coñecemento público a realidade do sucedido.
Tendo en conta que a maioría das críticas proceden da contorna do PSOE, gustaríanos que este partido, sostén principal do actual Goberno de España, nos contestara a tres preguntas:
1ª.- Onde están os 195.000 euros que lles correspondían aos mindonienses procedentes dos fondos do 1,5% cultural para facer a obra de mellora na Praza da Catedral?
2ª.- Que xestións fixo o Grupo Municipal Socialista ante os seus compañeiros de partido no Goberno de España para que os 195.000 euros e os 23.000 euros de intereses derivados da devolución desta cantidade non se marcharan da nosa Praza da Catedral?
3º.- Ou o realmente importante para o PSOE de Mondoñedo é só o cartel de propaganda instalado no Campo dos Paxariños?
Os feitos certos son os seguintes:
1º.- O Partido Popular de Mondoñedo defende unanimemente a actuación do seu Grupo Municipal e considera que a súa actuación é a forma máis adecuada de afrontar a situación dada, que como demostraremos máis adiante non é a desexada nin a esperada, senón que é froito dunha discriminación inxustificable por parte do Goberno de España.
2º.- A orixe desta polémica dáse pola negativa do Goberno central de asumir a súa parte no incremento do custo da obra, derivado da suba de prezos que todos coñecemos e sufrimos dende fai máis dun ano. Dende o Goberno socialista de España negáronse a dar o diñeiro que correspondía ao tempo que pretendían que o Concello de Mondoñedo completara a obra tal e como estaba prevista en tempo e forma. Deste modo, o Concello tería que achegar 150.000 euros máis do previsto con fondos propios, cousa totalmente imposible
3º.- Ante a imposibilidade de acabar a obra, o Concello, de forma responsable e cumprindo coa súa obrigación, veuse obrigado a paralizar a mesma e rescindir o contrato coa empresa construtora.
4º.- A resposta do Goberno de España consistiu en reclamar o diñeiro que comprometera e adiantara para facer a obra (195.000 euros) e ademais a cantidade de 23.000 euros como supostos intereses por ese diñeiro durante o tempo que tivo en poder do Concello. É dicir, o Goberno de España non fixo a obra, non gastou un só euro e levouse 23.000 euros dos mindonienses, o que supón case 7 euros de cada mindoniense.
5º.- A interrupción da obra supuxo que unha moi pequena parte da Praza (uns 30m2) quedase valada e con pedras levantadas. Todos entendemos que ao ser un espazo tan sensible e visible, o efecto dun valado de obra non é o máis desexable para ese lugar, pero tamén debemos entender que o inesperado da situación non se pode afrontar responsablemente de maneira moi distinta.
6º.- A solución dada polo Goberno Municipal pasa por acometer a obra de maneira totalmente distinta. O esperado era investir os 65.000 euros que lle correspondería na obra orixinal e agora hai que acabar o iniciado só con fondos propios, dos que ademais hai que descontar os 23.000 euros que o Goberno de España levou de forma totalmente inxusta. Afortunadamente e grazas ás xestións de última hora realizadas polo Goberno Municipal ante a Xunta de Galicia, permítesenos contar cunha subvención de 30.000 euros para axudar a darlle unha solución a esta situación.
7º.- Os trámites para a nova obra levan meses facéndose, feito do que son conscientes e do que están totalmente informados os grupos políticos da oposición. Cousa distinta é que o PSOE e o BNG queiran recoñecelo e asumir que o sucedido non é culpa do Concello de Mondoñedo.
8º.- Unha vez finalizados os trámites da nova contratación, estando a moi poucos días do comezo da tempada alta de turismo e sendo conscientes do impacto que a obra pode ter nos próximos meses, decídese o comezo inmediato da mesma, feito que ocorre no día de hoxe.
9º.- Somos conscientes da gran cantidade de comentarios que despectivamente se fixeron tanto da obra como da situación de parálise da mesma e durante estes meses tratamos de informar a todas as persoas que se interesaron por coñecer a situación. Tamén somos conscientes de que existe quen non quere entender e quen está interesado en que non se coñeza a verdade. Para estas persoas, está a nosa máis absoluta indiferenza. O que realmente nos preocupa é que o interese pola desinformación estea por encima da verdade e do relato certo dos feitos.
10º.- Preocúpamos que especialmente o Grupo Municipal Socialista estea máis interesado en difundir loiadas (bulos) a través das redes sociais que en exercer o seu dereito de coñecer o estado da xestión dos expedientes municipais, aos que ten acceso, posto que forma parte dos seus dereitos e obrigacións como membros da corporación.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
