Ribadeo, 10 de xuño de 2023. O xornalista e escritor Santiago Jaureguizar será o pregoeiro do Ribadeo Indiano 2023. Así o deu a coñecer a organización no día de hoxe.
A concelleira de Cultura, Pilar Otero, subliñou que “Santiago Jaureguizar pasou a súa infancia e a súa mocidade en Ribadeo, de aí que pensaramos nel para o pregón da oitava edición do Ribadeo Indiano. Como xornalista desenvolve o seu labor no xornal El Progreso de Lugo, na sección de Cultura. No ano 2005 obtivo o Premio de Xornalismo Reimóndez Portelano, no 2009 o Premio Museo Provincial e o Premio de Xornalismo Francisco Fernández del Riego en 2018, entre outros moitos recoñecementos”.
A edil ribadense seguiu a relatar que “os seus inicios literarios están relacionados co movemento bravú. Santiago Jaureguizar foi pioneiro na introdución da literatura galega en internet con proxectos como Familia feliz, en Vieiros”.
A presidenta de Acisa, Carmen Cruzado, dixo que “como escritor ten publicados varios libros, ten participado en varias obras colectivas e conta no seu haber con premios tanto xornalísticos como literarios. Estamos convencidos de que a súa retranca e a súa vinculación con Ribadeo van estar moi presentes no pregón, que terá lugar o 7 de xullo no Teatro”.
Concello e Acisa adiantaron tamén algunhas das novidades do oitavo Ribadeo Indiano. O concelleiro de Turismo, Pablo Vizoso, contou que “esta edición estará dedicada ás artes, tal e como se plasmou no cartel coas vidreiras da Torre dos Moreno. As artes, sobre todo a arquitectura, estarán moi presentes nas conferencias que terán lugar do 7 ao 9 de xullo e tamén nas exposicións das que poderemos gozar ribadenses e visitantes”. E engadiu que “tamén se producirán cambios na xornada do venres na chegada ao porto, onde haberá un importante concerto musical. Verbenas no Campo de San Francisco e actuacións en moitos recunchos da nosa vila forman parte da programación do Ribadeo Indiano 2023, na que non faltarán os haigas, a xincana, actividades infantís, visitas guiadas e teatralizadas, o Mercado de Ultramar ou o Mercado da Horta. Ademais do xa anunciado concerto de Eliades Ochoa o 9 de xullo no barrio indiano de San Roque”.
Cruzado Iglesias lembrou que “as actividades do Ribadeo Indiano coas vésperas e as antevésperas xa deron comezo o pasado 5 de xuño cun obradoiro de coctelería e seguirán os días 17 e 24 deste mes cun obradoiro de baile para a xente moza. Todo co obxectivo de ir creando ambiente para a fin de semana mais agardada do ano na nosa vila, que será decorada para a ocasión, ao igual que os negocios locais aos que lles agarda algunha sorpresa que desvelaremos proximamente”.
Concello e Acisa agardan que “o oitavo Ribadeo Indiano sexa un éxito, ao igual que o foron as pasadas edicións, que o tempo acompañe e que todos gocemos e rendamos homenaxe á nosa emigración”.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
