Lugo, 7 de xullo, 2023. Desde a Area de Cultura da Deputación Provincial de Lugo a través da Rede Museística Provincial de Lugo que xestiona e dinamiza o Museo Provincial de Lugo, o Museo Provincial do Mar de San Cibrao, o Museo Fortaleza de San Paio de Narla (Friol) e o Museo Pazo de Tor (Monforte de Lemos) desenvolve unha ampla programación durante estes meses de verán. As actividades están destinadas, principalmente, ao público infantil para axudar a favorecer a conciliación; propostas para compartir en familia e tamén programación para público adulto.
O Museo Provincial de Lugo acolle este sábado, 8 de xullo, ás 12:00h a Conversa “Territorios para a vida”. A cita, aberta a todas as persoas interesadas, está especialmente pensada para profesionais dos museos e investigadoras/es. O obxectivo é abrir debate sobre os modos de habitar Galicia. Intervirán o profesor da USC, Emilio Carral, o investigador transdisciplinar, Fran Quiroga e a activista afrofeminista, Vicky Campoamor. Este encontro aproveitarase para presentar a obra “Galiza e o decolonialismo”, editada pola Fundación Luis Seoane.
Do 11 ao 13 de xullo, o Museo Provincial de Lugo desenvolve un novo campamento de verán, que neste caso adicarase á infancia en horario de mañá e ao público adulto en horario de tarde. “Museo e saúde na RMPL. Pintura e Consciencia” é o nome dos talleres que guiará o artista, Alberto Pena, Licenciado en Belas Artes e docente en talleres de arteterapia. “Neste laboratorio experimentarase coa atención ao corpo, cos sentidos e coas emocións, en contacto coa intuición e coa linguaxe simbólica”, sinala Encarna Lago, xerente da RMPL.
Sacra Festival, contos e oídos
No Museo Provincial do Mar de San Cibrao, este sábado, 8 de xullo, ás 12:00, Ugia Pedreira e Lidia Luna presentarán para toda a familia, “Contos e Cantos da Baleanorte.” Actividade aberta ao público en xeral con entrada gratuíta.
Todos os martes ás 12:00 no Museo Provincial do Mar, nenas e nenos coñecen polo miúdo o territorio a través do mapa de Fontán. Ademais, o mércores, 12 de xullo, dentro da programación infantil, contarase eco taller “Oídos que ven”. De 11:30 a 13:30 as/os máis novas/os coñecerán canto nos contan os sons. A maioría das persoas perciben polos ollos o 80% da información, con esta actividade faranse conscientes de canto podemos ver cos oídos. Descubrirán as sensacións que nos transmiten os sons e comunicaranse a través deles.
A Rede Museística Provincial de Lugo dentro da súa programación expandida, na que colabora con iniciativas culturais, leva ao Museo Pazo de Tor unha nova edición de Sacra Festival. Nesta ocasión a temática do Festival xirará ao redor da identidade, a memoria e o teritorio. Sacra Festival organizado por Sacra Experience vincula arte, natureza e música.
A cita, o 14 de xullo a partir das 19:00 coa actuación da Compañía 5S, CRNDS Allova e Sila Lúa. A entrada é libre e o acceso gratuíto ata completar o aforo. Pensado especialmente para a mocidade, o Sacra Festival quere ser un encontro sostible, polo que os espazos terán aforos limitados.
Do 20 ao 21 de xullo o Museo Pazo de Tor acollerá un campamento infantil, mentres no Museo Fortaleza de San Paio de Narla retomaranse en agosto as propostas de “Argallando na Rede”, para seguir afondando nos museos da Rede Museística Provincial, dependente da Vicepresidencia Primeira da Deputación de Lugo.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
