Nota de Prensa
Unhas 300 persoas buscan traballo nas profesións con futuro dentro do Pacto Provincial polo Emprego da Deputación
– Lara Méndez destaca a excelente acollida que tivo a iniciativa iniciada a principios de mes, xa que unhas 50 persoas acuden diariamente ó INLUDES para formalizar a inscrición no programa formativo que arrancará en outubro
– Os cursos máis demandados son os que están relacionadas coas profesións vinculadas ós sectores sociosanitario, turismo, forestal e hostalería
– As persoas inscritas terán unha bolsa de 400 euros mensuais. A formación suma un total de 15.000 horas e 60.000 de prácticas en empresas
– A persoas interesasdas poderán formalizar a súa solicitude ata o día 30, chamando ó teléfono do INLUDES 982 265 334 e no correo electrónico pactoemprego@deputacionlugo.org.
Uns 300 desempregados da provincia xa formalizaron a súa solicitude para participar no ambicioso programa formativo impulsado pola Deputación, a través do INLUDES, e que permitirá insertar laboralmente a 540 empregos nas profesións con máis futuro na provincia. A Vicepresidenta Segunda da Deputación, Lara Méndez, subliñou a excelente acollida que está a ter a iniciativa que se inclúe dentro do Pacto Provincial polo Emprego –programa cofinanciado polo Fondo Social Europeo nun 80%-, “xa que en menos de 15 días foron moitos os que se interesaron por este programa. Concretamente, unhas 50 persoas acuden diariamente ó INLUDES, o que demostra o éxito que van ter os cursos que teñen unha finalidade clara: frear o desemprego e crear emprego estable, efectivo e real”.
Neste senso, os cursos máis demandados son os que están relacionados coas profesións vinculadas ós sectores sociosanitario, turismo, forestal e hostalería, “tal e como demostra o propio Plan Estratéxico da Deputación e a diagnose previa que fixemos para que a formación impartida incidise nos nichos de emprego da provincia”.
Os cursos están dirixidos a desempregados de todos os Concellos, agás o de Lugo que ten máis de 50.000 habitantes e ten o seu propio Pacto. Neste senso, polo que ser refire ó perfil dos solicitantes, destacan os xóvenes parados e a mulleres desempregadas con idades comprendidas entre os 30 e os 45 anos. O prazo de inscrición remata o día 30 deste mes. As persoas que cumpran as características poderán realizar a inscrición de 8:00 a 15:00 horas, chamando ó teléfono do INLUDES 982 265 334 e no correo electrónico pactoemprego@deputacionlugo.org.
A formación comprenderá 45 cursos. En total suma máis de 15.000 horas de formación e 60.000 de prácticas en empresas. Ademais, os beneficiarios recibirán unha axuda económica tanto na formación como nas prácticas equivalente ó 75% do IPREM, é dicir, uns 400 euros mensuais.
Para coordinar todo o territorio, os Concellos disporán de 3 oficinas técnicas: no norte (Foz), sur (Chantada) e centro (INLUDES). Contarán con persoal que se desprazarán onde faga falta e asesorarán tamén ós alumnos que, no futuro, opten por montar a súa propia empresa, ben como autónomos ou como PEMES.
Cando remate a inscrición, comezará a selección dos beneficiarios e a formación correspondente para cada un. A Deputación consensuará cos Concellos os lugares máis axeitados para impartir a formación, xa que un bo emprazamento é clave na asistencia do alumnado, así como as empresas para que as prácticas profesionais, procurando que estén o máis próximas ós seus domicilios.
Complementariamente e asegurando que o Pacto teña continuidade no futuro, a Deputación estreará a principios de outubro o primeiro portal de emprego provincial. Esará na web oficial: www.deputacionlugo.org. Será semellante a portais internacionais de busca de emprego, como o famoso “Infojobs”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
