Gómez Besteiro lembrou que A Fonsagrada ten hoxe unha residencia para maiores e obras e infraestruturas de todo tipo “grazas aos gobernos socialistas na Deputación”
A Fonsagrada, 15 de xullo de 2023. “A Galicia interior, a montaña, A Fonsagrada, saben ben das políticas do Partido Popular, saben ben desa dereita que non se preocupa para nada da Galicia interior. Esa dereita que nunca trouxo servizos, que nunca trouxo investimentos e que viviu de costas a todo o que acontecía fóra dos seus despachos”. Pola contra, destacou, “os socialistas si nos preocupamos e nos seguiremos preocupando desta Galicia interior da que A Fonsagrada é un dos mellores exemplos”. Gómez Besteiro, número 1 ao Congreso polos socialistas de Lugo, participou esta mañá na Feira local, onde recibiu numerosas mostras de cariño dos veciños, e visitou varios establecementos comerciais acompañado polo alcalde, Carlos López, e membros da agrupación socialista.
O cabeza de lista destacou algúns dos exemplos do traballo dos socialistas na propia Fonsagrada: “Fomos capaces de traer servizos esenciais como a Residencia da Terceira Idade, fixemos a Casa do Concello, o campo de fútbol, arranxamos o Campo da Feira, abrimos a primeira sala pública de despiece de carne de caza de Galicia, construimos o polideportivo municipal e a Casa da Cultura, impulsamos o desenvolmento do polígono industrial e nos próximos catro anos construiremos a Casa Cuartel da Garda Civil e impulsaremos a mellora da chegada do abastecemento de auga ao núcleo urbano da Fonsagrada”. Investimentos, todos eles, que axudaron e seguirán contribuindo a fixar poboación nesta vila, un referente da montaña luguesa.
Besteiro, cuxa aposta por A Fonsagrada na súa etapa como presidente da Deputación foi vital para o progreso da vila, comprometeuse cos veciños a “seguir desenvolvendo as accións necesarias que permitan que a xente da Fonsagrada viva da Fonsagrada e viva na Fonsagrada”.
Por iso, sinalou, “creo que hai diferenza entre uns e outros. Pedro Sánchez e os socialistas cumprimos. Feijóo dálle as costas a Galicia e isto é algo que saben moi ben os veciños da Fonsagrada”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
