O xogador cordobés vén de xogar en Primeira División co equipo andaluz pero tamén formou parte dun dos grandes, o Pozo Murcia
Burela, 18 de xullo, 2023. Córdoba Patrimonio de la Humanidad e Pescados Rubén Burela FS chegan a un acordo de cesión polo cal o xogador andaluz de 23 anos, Ismael López, únese ao plantel de David Rial para a próxima tempada e será un novo reforzo para o ataque do conxunto laranxa. O pivote natural de Priego de Córdoba comeza a xogar con só 18 anos no Itea Córdoba Futsal na tempada 17/18 quedándose ás portas de pelexar polo playoff de ascenso a Primeira División. A súa calidade como xogador chama a atención dun dos equipos máis fortes da competición, O Pozo Murcia, que acorda co Córdoba a súa propiedade desde a tempada 18/19, comezando no segundo equipo con moi bos números e subindo ao primeiro na 20/21. Na tempada 21/22 volve, cedido polo Pozo, ao equipo blaquiverde e na 22/23 volve xogar como propiedade do Córdoba. De novo a través dunha cesión, esta vez Burela – Córdoba, xogará no equipo mariñán durante esta próxima tempada 2023/2024.
O xogador andaluz vén ao Pescados Rubén con moitas ganas, “Burela é un equipo histórico e creo que a calquera lle gustaría xogar alí. É un equipo que xa o ano pasado estivo a un pasiño de ascender e é un proxecto ambicioso”. Con boas expectativas, “A miña intención é aportar na faceta goleadora xa que é o que se lle pide a alguén da miña posición. Considérome un xogador de equipo que o deixa todo na pista e que se sacrifica polos seus compañeiros para axudar todo o posible. Espero recuperar a ilusión aquí en Burela, xa que levo dous anos nos que as cousas non me saíron como esperaba en Córdoba”. E déixanos unha mensaxe para a afección laranxa “Para a afección dicirlle que espero que lles deamos moitísimas alegrías e que vibren en Vista Alegre cada fin de semana para que xuntos cheguemos a conseguir o obxectivo”.
O presidente do Pescados Rubén Burela FS, Manuel Blanco, confía na eficiencia desta nova fichaxe, “é un xogador que tamén competiu tanto en Segunda como en Primeira División, da que provén. Coñece perfectamete a categoría e seguro que se adapta pronto, contamos con el como activo para reforzar o ataque do noso equipo”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
