Ribadeo, 21 de xullo de 2023. O home máis modificado do mundo, o francés Anthony Loffredo, coñecido como Black Alien, estará en Ribadeo a próxima semana, para facer tatuaxes en Black Blood Tattoo Studio do luns 24 ao mércores 26. O último día terá un encontro cos seus fans, que poderán pedirlle autógrafos e fotografarse con el.
Anthony Loffredo é un home de 33 anos nado en Montpelier que saltou á á fama tras empezar o seu proxecto artístico The Black Alien Project, que ten como obxectivo converterse no que el considera un alien. Trátase dun proxecto vital que iniciou fai oito anos e que desenvolve progresivamente no seu corpo mediante modificacións corporais e tatuaxes. Actualmente está nun 57 por cento da súa transformación, pero o seu proxecto vai máis aló das modificacións. Loffredo é un artista abstracto e tatuador freehand polo que a xente que se tatúa con Black Alien non sabe que vai deseñar na súa pel, convertendo cada tatuaxe nunha obra única en cada cliente.
Proximamente abrirá ao público unha galería onde os asistentes poderán ver o percorrido artístico da obra de Black Alien ao completo e así comprender desde dentro o mundo de Loffredo, que ten 1,3 millóns de seguidores en redes sociais.
Os propietarios de Black Blood Tattoo Studio, Bailey José Ramírez Madrigal e Lucía Filgueira Fernández, explican que Anthony Loffredo “estará os días 24,25 e 26 deste mes no noso estudio traballando, como profesional da tatuaxe mundialmente recoñecido que é. Tatuará a súa propia firma ou deseños no seu estilo en freehand (realizados a man alzada), xa sexan ideas que poidan traer as persoas interesadas, sempre que sexa algo que poda adaptar o seu estilo, ou abstractos. Poderán ser en branco e negro ou engadir algo de cor. Ademais o día 26 a partir das 18 horas teremos un evento de meeting cos seus fans, que lle poderán pedir autógrafos e fotografarse con el. É unha ocasión única na Mariña, para que os interesados aproveiten para disfrutala”.
A reserva de cita pode facerse a través do teléfono 611.15.69.33, do correo electrónico blackbloodartstudio@gmail.com, de instagram ou facebook (@blackbloodartstudio) ou da páxina web www.blackbloodtattoostudio.es.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
