A xogadora que deu o gol da Copa da Raíña a tempada pasada seguirá no Pescados Rubén Burela FS en 2023-2024
Burela, 6 de agosto, 2023. Patricia Ortega Medina, Patricia, a pivote de Yecla continuará esta próxima tempada no conxunto formado por Julio Delgado, despois de ver a súa boísima evolución durante a tempada pasada, achegando en momentos clave e mostrando cada vez máis enerxía e potencia de tiro. Será a súa segunda tempada no equipo laranxa, Patricia comeza xogando ao fútbol campo, pero descobre o fútbol sala da man do seu pai e comeza en 2010 a xogar no SD Hispania, no que continuará ata 2018 que ficha polo UCAM O Pozo Murcia por dúas tempadas. Na 2020-2021 xoga no Desguaces París La Algaida e na 2021-2022 no STV Roldán, do que procede. Esta pasada tempada demostrou unha gran evolución e espérase que así continúe sendo esta tempada vindeira. Moi contentos coa súa renovación a doce Patricia continuará vestindo de laranxa e metendo golazos para o equipo mariñán.
O presidente do club, Manuel Blanco está moi alegre de continuar contando coa xogadora murciana, “Xoven xogadora que se adaptou rápidamente ao equipo e que ten que seguir crecendo. É unha xogadora moi importante para nós, sabemos a calidade que ten e ten que seguir loitando e crecendo co equipo. Aporta moito ao equipo, sobre todo ofensivamente, unha pivote de gran calidade que aínda ten carreira por diante para mellorar moito e sorprender aínda máis”.
Patricia séntese moi a gusto no equipo, “claro que estou contenta por renovar, creo que é un club no calquera xogadora profesional quere estar”. Sobre a tempada pasada, “Creo que a tempada pasada, foi incrible no deportivo, gañando todos os títulos posible mesmo cunha plantilla curta, pero difícil no persoal, era un cambio grande e creo que tiven momentos de todo tipo”. Os seus obxectivos persoais e para o equipo para esta próxima tempada, “obxectivo persoais creo que cada ano expóñome os mesmo, traballar duro cada día para ser mellor, e poder dar ao club todo o que queren do meu. Seguir traballando, loitando e gozando para ser mellor xogadora. A nivel de equipo, é estar aí arriba, loitando por todos os títulos posible, xogando ben, en equipo, e facendo desfrutar á xente que lle gusta este deporte”. Deixa unha mensaxe á afección laranxa, “A afección de burela é un plus para todo. Fanche sentir sempre na casa, convértense na sexta xogadora cando máis o necesitamos e están aí días tras día levándonos polo aire. Para quen non puidese vivir o ambiente que se crea en Vista Alegre, convídoos a que vaian e ver a unidade que se crea”
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
