O popular condena que Cajoto se queira desvincular da residencia a costa de damnificar aos veciños porque se fora da Xunta non terían prioridade os veciños de Foz: “Ninguén en Foz quere que a residencia a xestione a Xunta, excepto o alcalde”
Foz, 22 de setembro de 2023. O voceiro do Grupo Municipal Popular de Foz, Javier Castiñeira, asegura que “Cajoto persiste na mentira da residencia” e considera “moi pouco valente e, incluso, enganosa -coma todo o que leva facendo durante este catro anos- a actitude do señor alcalde ao botarlle a culpa ao Partido Popular de todo o que lle sucede á residencia de Foz”.
“É certo que grazas ao Partido Popular hai unha residencia e segue habendo unha residencia en Foz para a xente de Foz con traballadores de Foz. Esa é a realidade moi a pesar de actitude do señor alcalde que vimos ao final do mandato pasado”, sinala Castiñeira. E engade que: “Iso dicímolo no PP e tamén os propios afectados -residentes, familiares e traballadores- que vían que Cajoto lles mentía reiteradamente sobre o asunto da residencia. E agora volve mentir”, remarca.
Castiñeira explica que “primeiro porque no seu día quedou co PP e os afectados en que iamos a participar cando sacara o servizo a contratación os distintos partidos políticos e os propios afectados, pero non o fixo”. De feito, “preséntanos un prego do novo concurso no que el mesmo recoñece que soben os prezos, pero que dende o Grupo Municipal do PP de Foz descoñecemos porque só participou el. Só coñecemos pola prensa que bota a culpa ao Partido Popular”.
O voceiro considera que “esta non é a actitude que lle pedimos a un alcalde” e avanza que “dende o Grupo Municipal do Partido Popular imos intentar participar nesa elaboración dos pregos e se teñen que saír cuns prezos de mercado, o señor Cajoto ten fácil solución: á parte de que os propios usuarios van poder solicitar as axudas que a Xunta ten para eses servizos de residencia o que ten que facer o señor alcalde é incrementar as axudas de emerxencia que xa dispuxo no seu día o goberno do Partido Popular para todas aquelas persoas que se non poden pagar o servizo, sexa o Concello quen lles axude”.
Castiñeira cre que “a actitude do señor alcalde é absolutamente a contraria, desvincularse absolutamente deste servizo; incluso a costa de que sexan os máis damnificados os propios veciños de Foz. Quere cederlla á Xunta de Galicia e, polo tanto, que nesta residencia non teñan prioridade os veciños de Foz”. A este respecto, conclúe: “ninguén en Foz quere que a residencia a xestione a Xunta, excepto o alcalde”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
