Ribadeo, 30 de setembro de 2023. Os establecementos comerciais e hostaleiros que queiran adherirse á quinta edición da moeda local de Ribadeo poderán facelo do 1 ao 10 de outubro. O Concello porá en circulación 200.000 Panchas, que se poderán empregar nos negocios desde o 15 de outubro ao 31 de decembro. A nova campaña da Pancha foi presentada esta mañá nas Catro Rúas.
O alcalde, Dani Vega, dixo que “hoxe presentamos a campaña das Panchas, a nosa moeda local. Estamos tremendamente orgullosos de volver facer esta actividade de reforzo da nosa estrutura económica local. É un compromiso por parte do Concello de apoio a todo o tecido económico da nosa vila. Son 80.000 euros de reforzo e esta é unha boa forma de activar a economía local”.
O rexedor convidou a facerse coas Panchas e a mercar con elas: “invitamos a todos os visitantes a comprar as Panchas, a todas as veciñas e os veciños que as usen. É unha boa forma de colaborar, contribuír, apoiar o noso comercio local. É un compromiso co noso pobo, con Ribadeo”.
A concelleira de Comercio, Marta Saiz, explicou que “nesta edición poñeremos en circulación 200.000 panchas para trocar nos establecementos comerciais e de hostalería do municipio adheridos a esta campaña”.
A edil ribadense contou que “ao igual que nas dúas últimas edicións, a compra e uso da moeda será mediante o Panchapeto, o moedeiro dixital habilitado para a campaña. Deste xeito, simplifícase e mellórase o uso da moeda podendo obtela en calquera lugar e a calquera hora a través dun dispositivo electrónico como o teléfono móbil ou o ordenador”.
Saiz relatou que “as características da campaña mantéñense, polo que por cada 30 euros obteranse 40 Panchas para consumir nos establecementos adheridos e cada persoa poderá adquirir un máximo de 400 Panchas. Mantense tamén o límite de 130 Panchas para gastar en cada compra nos establecementos, a partir desa cantidade deberá aboarse en euros a diferenza. Os establecementos que desexen participar na campaña deberán inscribirse do 1 ao 10 de outubro a través da web www.pancharibadeo.gal”.
Para a concelleira de Comercio “esta nova edición suporá unha estimulación da demanda de produtos e servizos de Ribadeo reactivando a economía local despois da época estival. Ao mesmo tempo, permite ás persoas consumidoras obter un aforro nas súas compras, que poderá ser acumulado a outras promocións ou bonos. O Concello de Ribadeo aposta polo economía local e con esta inversión agarda un retorno de máis de medio millón de euros para os comercios e a hostalaría e agarda que en futuras edicións se superen estas cifras, xa que prevemos seguir investindo neste tipo de accións”.
E engadiu que “a campaña, que está cofinanciada tamén pola Xunta de Galicia, estará aberta do 15 de outubro ao 31 de decembro, polo que nese prazo as persoas consumidoras poderán trocar as súas Panchas nos establecementos. A partir desa data a Pancha deixará de ter validez e non será reembolsable”.
A presidenta de Acisa, Carmen Cruzado, declarou que “Acisa colabora un ano máis coa campaña da Pancha, organizada polo Concello. Farémolo prestando asesoramento a todas aquelas persoas ou negocios de Ribadeo que así o precisen desde a nosa oficina”. E subliñou: “é importante que se poñen en marcha e se manteñan este tipo de iniciativas nestes meses, que denominamos tempada baixa, para a dinamización do comercio e da hostalería locais. Queremos agradecerlle ao Concello de Ribadeo, que conte coa colaboración de Acisa”.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
