Lugo, a 16 de outubro de 2023. Esenciais durante a pandemia pero condenadas á precariedade, as traballadoras e os traballadores dos servizos de limpeza da provincia de Lugo non se resignan e este luns iniciaron unha folga indefinida para exixir un convenio xusto con salarios dignos. A incidencia do paro está sendo masiva malia os servizos mínimos abusivos decretados, xa que en moitos centros de traballo chegan ao 100%.
Así o destacaba Asunción Castiñeira, da CIG-Servizos, pouco antes da concentración que o persoal realizou este mediodía fronte á sede da Confederación de Empresarios de Lugo. Unha protesta que tivo a súa réplica entre as compañeiras e compañeiros das provinciais de Pontevedra e Ourense que hoxe tamén se mobilizaron diante das oficinas de Eulen para reclamar un convenio con dereitos.
Castiñeira avanzou que os servizos mínimos abusivos van ser recorridos pola asesoría xurídica da CIG e criticou o silencio absoluto no que permanece a patronal, xa que aínda non respondeu á proposta trasladada pola parte social o 27 de xuño e non convocou sequera a mesa de negociación.
Unha pasividade que choca coa dilixencia coa que ASPEL (a asociación patronal estatal que representa á s grandes empresas do sector como Eulen, Clece, Onet, ISS ou Lacera) se dirixiu á Xunta de Galiza para solicitarlle que impuxera uns servizos mínimos do 100% en practicamente todo o sector, alegando que se trata dun servizo esencial.
Para Castiñeira a postura empresarial constitúe un absoluto desprezo a todas as traballadoras e advertiu que “se a patronal quere solucionar o conflito terá que sentar a negociar. O sector está moi cabreado, moi farto de tanta precariedade e non nos van dobregar. Se a patronal quere alongar esta situación no tempo, que teña moi claro que a proposta que puxemos enriba da mesa xa non vai valer”, aseverou.
A este respecto, denunciou que a oferta da patronal suporía deixar o convenio por debaixo do SMI “e iso non o imos permitir”. Lembrou que na última xuntanza, o pasado 27 de xuño, a parte social modificou a súa plataforma para facilitar un achegamento, entrando a negociar un ano máis de vixencia, e movendo as porcentaxes de incremento: 5,7% para 2022, 5,5% para 2023, 4% para 2024 e 3% para 2025, cunha cláusula de revisión ao corte (é dicir que opere no mes no que o IPC supere a suba pactada). “Pero a pesar de ternos posto en contacto coa CEL e da convocatoria de folga non temos ningunha resposta, o que evidencia a falta de vontade negociadora da patronal”, criticou.
Neste contexto, a folga continuará de maneira indefinida até que haxa unha solución e Castiñeira instou a todas as traballadoras e traballadores a secundar a loita “porque só a través da mobilización se logrará un convenio digno”.
Para os vindeiros días están convocadas as seguintes mobilizacións:
– Martes 17, concentración ás 12 horas, diante do edificio multiusos da Xunta, como responsábel de estabelecer o decreto de servizos mínimos.
– Mércores 18, manifestación ás 12 horas con saída da explanada da Xunta e remate diante da sede da CEL na Praza de Santo Domingo.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
