En total, son máis de 100 hectáreas nos concellos da Pontenova, Meira, Antas de Ulla, Barreiros, Chantada, Friol, Mondoñedo, Monforte de Lemos, Lugo, O Incio, Navia de Suarna, O Saviñao, Paradela, A Pastoriza, Portomarín, Sober, O Corgo, Rábade e Quiroga
Lugo, 27 de outubro de 2023. A Deputación de Lugo vén de aprobar a modificación do encargo da Deputación de Lugo a Tragsa para a conservación e mantemento das zonas verdes públicas de titularidade provincial. Así o anunciou este venres a Voceira socialista, Pilar García Porto, na rolda de prensa posterior á Xunta de Goberno, na que informou que co cambio acordado a institución provincial amplía o investimento a 920.000€ -70.000€ máis que en anualidades anteriores- e amplía os espazos públicos, incorporando o futuro Parque Central de Galicia, en Antas de Ulla, e unha parte do Parque do Rato, en Lugo.
Relatou García Porto que, desta forma, a Deputación faise cargo da conservación e mantemento dun total de 39 espazos verdes, que suman un extensión total de 103,59 hectáreas, e que están situados en 19 concellos da provincia: A Pontenova, Meira, Antas de Ulla, Barreiros, Chantada, Friol, Mondoñedo, Monforte de Lemos, Lugo, O Incio, Navia de Suarna, O Saviñao, Paradela, A Pastoriza, Portomarín, Sober, O Corgo, Rábade e Quiroga.
Apuntou ademais a Voceira que a modificación inclúe melloras relacionadas coa xestión de residuos, renovación de maquinaria e pequeno material “que garanta o correcto funcionamento deste servizo”.
Lugo Termal
A Xunta de Goberno tamén aprobou a licitación do programa Lugo Termal, co que a institución provincial ofrece descontos aos veciños e veciñas de máis de 50 anos nos balnearios de Lugo, Pantón, Pambre e Guitiriz. Tal e como explicou a Deputada, “un paso máis para poder poñer en marcha unha nova edición a finais deste ano”.
Lembrou García Porto que esta tempada a Deputación potencia o programa de termalismo incrementando o investimento ata os 91.000€ e as prazas ata as 1.300, “máis das que ofrece a Xunta de Galicia para toda a comunidade, o que dá boa conta do compromiso e do esforzo que fai a Deputación de Lugo para sacar adiante esta iniciativa, que contribúe a mellorar o benestar social e, ao mesmo tempo, a dinamizar a economía vinculada ó turismo termal“.
Contrato para o subministro de gasóleo de calefacción
Finalmente, a Xunta de Goberno aprobou a licitación por un importe de 90.000€ do contrato para o subministro de gasóleo C para a calefacción dos centros de traballo da institución provincial. A duración do contrato é dun ano, prorrogable por outro.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
