Os deputados Antonio Ameijide, Carmen José López e José Pardo desprazáronse a Santiago de Compostela para tentar coñecer as liñas que marcarán os vindeiros orzamentos provinciais ante a negativa de Tomé a reunirse co Grupo Provincial Popular, pero alí falouse de todo menos do proxecto para Lugo dende a Deputación provincial
Lugo, 3 de novembro de 2023. Os deputados do Grupo Provincial Popular na Deputación de Lugo tiveron que achegarse hoxe ata o Parlamento de Galicia para poder ter coñecemento das liñas mestras dos orzamentos do goberno provincial para 2024, “unha clara mostra de falta de respecto e lealdade institucional” de José Tomé que “nin sequera tivo a ben responder á petición de xuntanza que lle realizamos dende o Grupo Popular” para poder sentarnos e dialogar sobre os orzamentos do vindeiro ano.
Ata Santiago de Compostela desprazáronse o voceiro, Antonio Ameijide; a vicevoceira, Carmen José López; e o deputado, José Pardo, que amosaron o seu malestar “por ter que coñecer algunha pincelada dos orzamentos fóra da provincia de Lugo” xa que a realidade do que fixo o presidente da Deputación foi “empregar as súas intervencións para “lanzar ataques continuos á Xunta de Galicia”.
Os deputados populares preguntan a Tomé “para que foi a Santiago de Compostela a atacar a Xunta de Galicia en lugar de presentar os orzamentos da Deputación de Lugo” xa que o único que dixo das próximas contas provinciais é que chegarán ata os 116M€.
“A realidade é que o modelo de Tomé e do PSOE e BNG está esgotado. Non se entende que o presidente da Deputación empregue o 90% do tempo para presentar os orzamentos en ataques á Xunta de Galicia”, indicou.
Antonio Ameijide amosou o seu pesar por ver como, un ano máis, semella que José Tomé “conxela” o Plan Único para os concellos seguramente para seguir destinando os recursos económicos a aqueles concellos que quere Tomé e para potenciar as carreiras políticas dos cargos do PSOE.
Neste senso, o voceiro popular recorda que pedimos aumentar os fondos que a Deputación de Lugo destina ao Plan Único nun 30%, é dicir, en 6.5M€, a mesma cantidade económica que José Tomé destinou durante os cinco primeiros meses do 2023 —de xaneiro a maio— a convenios aprobados a porta pechada en xunta de goberno —44 con concellos gobernados polo PSOE, 11 con municipios liderados polo BNG, 3 para municipios dirixidos por independentes e ningún convenio con concellos gobernados polo PP—. “Demostran que o único obxectivo de Tomé é continuar practicando un municipalismo de amiguetes para favorecer aos seus – PSOE e BNG – ademais de destinar os recursos económicos da Deputación a potenciar as carreiras políticas dos socialistas”, denuncia.
Os populares lamentan que “lonxe quedan os anos nos que a Deputación era o motor da provincia” xa que na actualidade a Deputación de Lugo non lidera nin a creación de emprego, nin a promoción do turismo, nin o apoio á industria “o que provoca que a provincia de Lugo segue perdendo competitividade a un ritmo alarmante”.
FALTA DE LEALDADE COS LUCENSES E A OPOSICIÓN
Para os deputados populares que José Tomé presentase en primeiro lugar os orzamentos da Deputación en Santiago de Compostela “é unha falta de respecto a todos os lucenses e ao Grupo Provincial Popular”, pero, engadiu, “non nos estraña vindo dunha persoa que esixe reunirse co presidente da Xunta e nin sequera é capaz de dar unha resposta á petición de xuntanza realizada polos deputados populares e por numerosos alcaldes da provincia e leva 5 anos sen recibir alcaldes do PP”.
Ademais da petición de subir o Plan Único Provincial nun 30%, os deputados populares querían presentar outras propostas para os orzamentos na xuntanza que solicitaron con Tomé. Algunha desas propostas son:
Consignación orzamentaria necesaria para aprobar un Plan Provincial Plurianual de Rehabilitación de Firmes de Vías Provincias que se atopan en mal estado no que se dea prioridade á conservación e mellora das estradas nas que non se levaron a cabo obras de conservación e mellora nos últimos anos
Creación de polígonos industriais e posta en marcha e impulso dos xa construídos, ademais de mellorar o mantemento dos bens de titularidade provincial.
Plan provincial de axuda aos concellos para o ciclo auga
Axudas destinadas aos servizos de conciliación (servizos madrugadores, atención de tarde e escolas deportivas).
Apoiar aos concellos de menos de 20.000 habitantes para:
Elaboración técnica dos distintos plans municipais
Tradución de páxinas web municipais de turismo
Eliminar barreiras arquitectónicas en edificios municipais
Dixitalización
Consignación orzamentaria suficiente para a construción e equipamento de Centros de Atención a Persoas Maiores (CAM´S), como por exemplo os de Guitiriz, O Courel, Cervantes, A Pontenova ou Becerreá
Consignación orzamentaria para a concesión de axudas ás confrarías de pescadores e ás agrupacións/ asociación de Mariscadoras.
Creación dun plan de axuda ao sector primario da provincia.
Colaboración cos concellos no cumprimento da lei de benestar animal
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
