Os populares advirten dun “xoves negro” para veciños e empresarios cando, previsiblemente, saia aprobada a proposta do alcalde no vindeiro pleno cos votos a favor do PSOE e do BNG
Foz, 22 de novembro de 2023. Javier Castiñeira traslada a “total indignación” do Grupo Municipal Popular de Foz polo “sablazo que o señor Cajoto lle quere perpetrar aos nosos veciños nos orzamentos do 2024 porque quere subir 800.000 euros en ingresos con respecto ao ano pasado. E iso directamente a cargo dos petos dos nosos veciños”.
O popular sinala que “quéreo facer a escuras, sen transparencia e sen previo aviso nin aos propios empresarios, asociacións de veciños nin á oposición”. Castiñeira engade que “dentro da orde do día da Comisión vén esa suba de tarifas e taxas que entendemos que é unha auténtica animalada, inasumible por parte dos veciños de Foz”.
O portavoz explica que “esta suba afecta a un montón de ordenanzas fiscais que, loxicamente, van incrementar os custes da vida aos veciños de Foz”. Polo tanto, “o Grupo do Partido Popular se opón a esa suba masiva de impostos locais e dicímoslle ao señor Cajoto que faga unha mellor xestión”. De feito, subliña que ten onde miralo: “con moito menos da metade do orzamento do que quere dispoñer o señor Cajoto (máis de 10 millóns de euros para o 2024), xestionouse o Concello nos anos 2014 e 2015, en plena crise”.
Castiñeira convida ao goberno local a “gastar menos e administrar mellor” e, dende logo, “non subir os impostos aos veciños”. Para isto “que non conte co Partido Popular porque entendemos que o próximo xoves, cando se aprobe no pleno cos votos de socialistas e nacionalistas esta suba de impostos municipais será un verdadeiro xoves negro para os veciños e empresarios do noso concello”.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
