Ribadeo, 26 de novembro de 2023. Sete rapazas debutaron coa Banda Municipal de Música de Ribadeo no concerto de Santa Cilla, que se celebrou onte, sábado, no Teatro ribadense.
As novas incorporacións da Banda de Ribadeo son: as frautistas Carla Rañón Broz e Sabela Cereijo Maseda; nos clarinetes Laura Bolaño Cotarelo e Iría Molejón Fernández; no saxo soprano Elena Justo Carballeira; no saxo alto Mar Cereijo Maseda e no violonchelo Sofía Rodríguez Zambrano.
Nesta actuación a Banda ribadense, dirixida por David Ballester Martínez, interpretou por primeira vez seis obras: Baroque Suite, arranxada por James Curnow, con Amie García Salinas como solista; Alejandro El Magno, de Miguel A. Mateu, con Darío López Sanjurjo de solista; Pequeña Czarda, de Pedro Iturralde e arranxada por Roger Niese, con José Pillado Torres como solista; Queenwood Overture, de Anne McGinty; Korean Folk Rhapsody, de James Curnow; Dragon Slayer, de Rob Grice; e Andalucía, de Víctor López. Tamén tocaron Adagietto for flute, de Ten Huggens, con Antía Murias Sampedro de solista; Celtir air and dance Nº3, de Michael Sweeney; Odilia, de Jacob de Haan; e Granada, de Agustín Lara, está ultima de bis.
Ao principio do concerto o director da Banda presentou ás sete novas compoñentes da formación e ao final da actuación felicitou aos solistas polo traballo realizado, porque non “é unha tarefa fácil” e pediu un aplauso para as debutantes, que espera que estean moito tempo na Banda.
O próximo concerto da Banda Municipal de Ribadeo será o tradicional Aquí como en Viena, que está programado para o 29 de decembro ás 20:30 horas no auditorio Hernán Naval.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
