A Mariña, 5 de decembro, 2023. O pasado sábado 25 de novembro de 2023 o Observatorio da Mariña pola Igualdade convocou unha concentración en Ribadeo, na Praza 8 de Marzo, co fin de reivindicar a erradicación de calquera forma de violencia exercida sobre as mulleres.
O 25N é o día da conmemoración da loita e do legado das irmás Mirabal, “As bolboretas”. Elas e o seu feminicidio non deben caer no esquecemento: Patria, Minerva e Mª Teresa Mirabal. Nin elas, nin as súas voces ao dicir: “Se me matan sacarei os brazos da tumba e serei máis forte”.
O domingo 3 de decembro tivemos que sair de novo á rúa en sinal de repulsa por esta violencia machista que nos afoga. Na mesma Praza 8 de Marzo, volvíamos a estar un grupo de persoas para darlle voz a quen xa non pode berrar.
Unha nova muller asasinada. Unha nova vítima. Un novo crime de poder.
Encarnación Regueiro Rodriguez, de 80 anos, foi asasinada no seu domicilio polo seu cónxuxe Manuel Barbeira Corneiro de 88 anos. Él partiu o seu corpo dependente e invalidado polo párkinson.
E o noso berro foi tamén por Judith, asasinada no Porriño o pasado 24 de novembro. O seu feminicidio, foi xustificado polo patriarcado por ser prostituta, toxicómana e compartir vivenda co seu maltratador.
Dende o Observatorio da Mariña pola Igualdade seguiremos denunciando que os asasinatos de mulleres poñen de manifesto a cúspide da pirámide das violencias machistas.
Seguiremos loitando día a día , saíndo as rúas, manifestádonos e concentrándonos en sinal de protesta e berrando cada vez máis forte polo dereito a vivir en liberdade, porque o silencio é o gran cómplice do patriarcado.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
