“É o xerme dun proxecto para recrear en 3D todo o Viveiro medieval”, explica a alcaldesa, María Loureiro
Viveiro, 13 de decembro de 2023. O Concello de Viveiro presentou hoxe unha nova aplicación turística que inclúe a recreación en realidade aumentada da porta de Carlos V, ademais doutros servizos para veciños e visitantes.
“Un paso máis na nosa aposta pola dixitalización turística, este é o xerme dun proxecto máis ambicioso para recrear en 3D todo o Viveiro medieval”, explica a alcaldesa de Viveiro, María Loureiro.
A concelleira de Turismo, Marisol Rey, destaca “a importancia de ofrecer este tipo de recursos ás persoas que nos visitan e aos propios veciños e veciñas, dándolles experiencias novas para desfrutar de Viveiro”.
A nova aplicación, para a que o Concello de Viveiro conseguiu unha subvención da Xunta de Galicia con fondos europeos, ten xeoposicionamento para a dixitalización e posta en valor dos recursos patrimoniais e turísticos de Viveiro.
Coa implantación desta app en Realidade Aumentada (RA) en Viveiro, o concello sitúase á vangarda das tendencias tecnolóxicas no sector turístico. A app permite dixitalizar 100 recursos turísticos (dos que agora mesmo hai recollidos máis 60) e 20 rutas (das que xa hai trazadas a metade).
“Dende o Concello de Viveiro apostamos por unha solución tecnolóxica cun enorme potencial, e cunha aposta decidida pola sostenibilidade, ao non necesitar de elementos físicos para o seu lanzamento. A app permite reducir o consumo de papel e outros materiais impresos, contribuíndo á redución da pegada ecolóxica do turismo”, engade Loureiro.
A App pódese descargar nos seguintes enlaces:
Enlace descarga App Store:
https://apps.apple.com/us/app/viveiro-ar/id6467196751
Enlace de descarga Play Store:
https://play.google.com/store/apps/details?id=com.arvision.ViveiroAR
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
