Nota de prensa:
A Deputación respalda os veciños de Viveiro e insta á Xunta a aceptar as alegacións da variante O Barqueiro-San Cibrao
– En contra do previsto e malia o apoio anunciado, o Deputado do PP neste municipio non acudiu á sesión plenaria, o que causou a sorpresa do equipo de goberno e denota a división deste partido
– O informe de Vías e Obras avala as alegacións presentadas e considera que a Xunta debería comparar vantaxas e inconvintes respecto do anterior proxecto, consensuado en 2006 e aceptado polo Concello e os veciños
– Malia que o Executivo Galego anunciara o remate das obras en 2007, Feijóo retrásaas ata 2017 e, senón acepta as alegacións, partirá a Mariña en dous
O Pleno da Deputación aprobou, cos votos en contra do PP, a proposta do equipo de goberno na que se insta á Xunta de Galicia a aceptar as alegacións presentadas polos veciños de Magazos contra o cambio de trazado dun treito da variante da Vía de Alta Capacidade O Barqueiro-San Cibrao, que discorre pola localidade de Viveiro, así como o informe do servizo provincial de Vías e Obras que respalda ditas alegacións. En contra do previsto e malia ó anuncio de que ía votar a favor da proposta do equipo de goberno, o Deputado e voceiro do Partido Popular no municipio viveirense, Guillermo Leal, non acudiu á sesión plenaria, o que causou sorpresa entre os integrantes do Pleno e denota unha división clara entre os membros desta formación política tanto a nivel local como provincial.
O Deputado de Persoal e Alcalde de Viveiro subliñou que “a modificación supón un ataque contra o desenvolvemento urbanístico, patrimonial e medioambiental do Concello; unha proposta que foi rexeitada por todos os grupos políticos no Pleno municipal, é dicir, PP, PSOE e BNG”.
O informe da Deputación, que avala as alegacións presentadas nos seu día polos veciños e que foron aprobadas polo Concello de Viveiro, conclúe que a modificación constitúe unha modificación substancial do estudo informativo aprobado, quedando documentalmente reducido a un “mero proxecto” de trazado que se veu xerando a través de documentos técnicos que non foron recoñecidos polo Concello de Viveiro.
Asimesmo, recolle que a modificación debería ter en conta os aspectos que se analizaron no anterior estudo informativo, consensuado en 2006 e aceptado por todos os viveirenses. En definitiva, considera que se deberían comparar vantaxas e inconvintes relacionadas coa articulación territorial, xeotecnia, custe económico e funcionalidade, entre a opción antes aprobada e a alternativa proposta. A este respecto, o Deputado provincial lembrou que “en 2004 a Xunta de Galicia publicara a execución de todo o corredor, excepto o treito de Viveiro. Mentras, o bipartito deixou aprobado o trazado”.
Unha obra que debería estar rematada en 2007
O Concello de Viveiro rexeitou no Pleno do 9 de setembro o cambio de trazado, opoñéndose a que a Xunta modifique os oito quilómetros desta vía da que o goberno do PP anunciara que tiña que estar construída en 2007. Agora, o goberno de Feijóo retrásaa ata 2017 cando estaba prevista para o 2013, e cando o Partido Popular na oposición esixía o seu remate no 2011. Esta obra é vital xa que se o Goberno Central remata a Transcantábrica en 2012 a Mariña quedaría partida en dous.
“Coa modificación, o Concello quedaría en dous, xa que atravesa vivendas unifamiliares e parte a parroquia. Estamos en contra da modificación porque vai da nada á nada”.
En oposición á decisión do goberno autonómico, os veciños recolleron 3.000 sinaturas, ademais das 72 alegacións individuais dos afectados directos, xa que a Xunta, coa disculpa do enlace, cambia o trazado que pasa de ir polo monte a partir núcleos poboacionais e afectar a casas. Neste senso, Roel apuntou que “os veciños de Magazos e o Concello non imos permitir que con estas acucias se disfrace un tema que estaba solucionado”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
