O voceiro popular reitera que “o interese do PP de Trabada é traballar polo concellos e os nosos veciños” e, dende o respecto polos trabadenses e a lealdade aos nosos veciños, seguiremos traballando”
Trabada, 9 de xaneiro de 2024. Os populares cren que “as actitudes ditatoriais da alcaldesa de Trabada e o seu carácter xogáronlle unha mala pasada incluso dentro do seu partido. O PSOE relega a Mayra García ao número 3 da lista ás autonómicas pola provincia, despois de varios días nos que os medios a situaban no número 2, que finalmente ocupará a alcaldesa de Lugo, Lara Méndez”. É dicir, “colocan por diante a unha rexedora cun 34,8% menos de apoio que a trabadense. Queda claro que Méndez ten moito máis peso dentro do seu partido”, segundo valora o portavoz popular, José María Fernández.
“Aínda así Mayra García prefire marchar de Trabada”, engade. O PP de Trabada xa leva tempo advertindo que “a rexedora socialista aguantaría mentres non tivese a posibilidade de marchar para outro sitio no que estivese máis cómoda” porque, “como todos sabemos, non lle gusta Trabada nin nunca lle interesou. Xa o deixou claro cando se asegurou unha praza no Concello da Coruña. E agora tratará de converterse en deputada autonómica, se os lucenses lle dan o seu apoio”.
Fernández lembra que “xa na pasada campaña electoral diciamos que os plans de Mayra García estaban lonxe de Trabada. Daquela os socialistas negábano con intensidade, pero agora vemos que cambian de opinión, que é algo que está de moda dentro do PSOE”.
O voceiro popular reitera que “o interese do PP de Trabada é traballar polo concellos e os nosos veciños” e, dende o respecto polos trabadenses e a lealdade aos nosos veciños, seguiremos traballando”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
