Un famento Pescados Rubén Burela FS lévase o derbi máis competido da Primeira División Iberdrola, en territorio hostil, cun 1-5
Sábado 13 de xaneiro. Esta tarde ás 20.00h no pavillón A Seca, de Poio, xogábase a 16ª e primeira xornada da segunda volta da Primeira División Iberdrola, o clásico e prometedor derbi galego, Poio Pescamar FS – Pescados Rubén Burela FS, cun resultado final 1-5. As Guerreiras Laranxas comezan a segunda volta deixando claro a súa fame de levar, un ano máis, esta Liga 23/24, nun partido que dominaron practicamente os 40 minutos, cun resultado cómodo dende o inicio do partido no que abriu o marcador o conxunto local, o que pareceu acender con maior intensidade ao conxunto mariñán. Tras un resultado 1-3 ao descanso, as cracks do equipo burelense aguantaron a presión continua do conxunto pontevedrés xunto a unha grandísima actuación da nosa veterana porteira Jozi Oliveira, que anotou un gol e salvou ao equipo de varias ocasións clarísimas, nunha segunda parte máis competida pero na que o conxunto local non logrou bater ao Furacán Laranxa.
Na primeira parte abre o marcador Laura Uña a 15 segundos do inicio do partido, picando o balón por riba de Jozi dende a lateral da área. Pero xa no minuto 5 Irene Samper enchufaa tras un pase de Cami que entretén á porteira, conseguindo o empate e parcheando o atropelado inicio. Dous minutos despois Dany consegue o 1-2 nunha contra e boa combinación entre Noelia Montoro e Rafinha, que lla deixa á capitá para adiantar o marcador coa eficiencia dun conxunto líder na clasificación. No minuto 10 chega o 1-3 cun gol de Emilly, que vence a Elena tras un pase de Cami. Unha Elena que destacou notablemente neste encontro, sen ir mais lonxe cun paradón no minuto 9 tras un tiro de Dany dende dentro da área nunha recuperación e sacándoa de novo segundos despois coas mans a un disparo potentísimo de Emilly. Grandísima actuación tamén da nosa porteira Jozi Oliveira, entre outras nos minutos 14 e 17 a dous mísiles de Ale de Paz. Xusto antes do descanso Dany busca sen éxito o cuarto gol; soa ante Elena picaa por riba dela pero o balón vaise por encima do traveseiro.
Nunha segunda parte cunha metade pausada e con poucas situacións de perigo por parte dos dous equipos, comeza a aumentar un pouco a intensidade no minuto 26 cun disparo directo de Laura Uña nunha falta que detén Jozi Oliveira e un minuto despois outra de Saki que non logra finalizar con acerto. No minuto 29, tras unha contra e pase de Cami, Rafinha dispara de forma moi certeira atopándose de novo con Elena que a saca a córner e no minuto 31 Emilly volve atoparse coa porteira nun disparo afastado pero moi preciso que saca de novo a meta coas mans. Comeza a presión do Poio con xogo de 5 no minuto 32, con Saki de porteira-xogadora non conseguindo finalizar con éxito ningunha xogada e aguantando o dominio do Burela que se mantén con longas posesións de balón tentando conservar o resultado afrontando o mínimo perigo. No minuto 35 chega o gol de Jozi a portería baleira en plena presión do conxunto de López-Tulla e no 37 o segundo golazo de Irene Samper tras unha contra e pase de Dany, que pon punto e final ao partido cun resultado 1-5.
Moi bo comezo da segunda volta para nosas Guerreiras, que continúan mantendo o seu impresionante refacho de resultados e que espera seguir acumulando vitorias a próxima fin de semana noutro importante derbi na casa ante o Ourense Ontime.
Ficha Técnica Poio Pescamar FS – Pescados Rubén Burela FS
Poio Pescamar FS (1): Elena; Laura Uña, Ale de Paz, Martita, Rocío Gómez -cinco inicial-, Elena Aragón, Carla Ayens, Irene (C), Saki, Lara Balseiro, Sandra Buzón.
Pescados Rubén Burela FS (5): Jozi Oliveira; Cilene, Cami, Irene Samper, Emilly – cinco inicial-, Dany (C), Aroa, Rafinha, Noelia Montoro, Caridaid.
Goles: 1-0, min.1: Laura Uña. 1-1, min.5: Irene Samper. 1-2, min.7: Dany. 1-3, min.10: Emilly. 1-4, min.35: Jozi Oliveira. 1-5, min.37: Irene Samper.
Árbitros: Lidia Crespo Pardo, Héctor Vilas López, Pablo Enrique Guntín Garrido, Irene Núñez Mariño.
TA: Laura Uña, Martita, Julio Delgado.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
