Vilagarcía de Arousa, 23 de xaneiro de 2024. O conselleiro do Mar, Alfonso Villares, defendeu a importancia da Lei do Litoral de Galicia por ser un instrumento que recolle no seu articulado o carácter estratéxico do sector marítimo-pesqueiro cuxa actividade debe ser prioritaria fronte a calquera outro tipo de posibles usos. O responsable autonómico fixo estas manifestacións acompañado polo director xeral de Pesca, Acuicultura e Innovación Tecnolóxica, Antonio Basanta, durante un encontro de traballo con representantes da Asociación Galega de Empresas Depuradoras de Moluscos (Agade), entidade que agrupa a máis de 50 empresas que empregan a máis de 1.000 persoas.
Alfonso Villares, criticou a incoherencia de que o mesmo que se lle nega a Galicia se lle outorgue ao País Vasco e reiterou que defender esta lei é defender a un sector fundamental para a comunidade, con gran implantación por todo o litoral e que é un gran motor de xeración de emprego, representando o 5% do PIB galego. O conselleiro resaltou que o recurso a esta lei é outro ataque máis do Goberno central ao sector marítimo pesqueiro galego que se suma á negativa a baixar o IVE ao peixe, marisco e conservas e a inexistencia dun PERTE para a cadea mar-industria que permita realizar novos investimentos ás empresas a través dos fondos europeos. Fronte a iso, o responsable autonómico reiterou o compromiso do Goberno galego de seguir traballando en favor da sustentabilidade e o futuro dunha actividade que, máis alá do seu peso económico, esta estreitamente unida á identidade galega.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
