Os socialistas porán 2.500 vivendas de protección anuais a disposición dos galegos e galegas, ademais de apostar pola rehabilitación, o acceso á vivenda da xente moza ou limitar o prezo dos alugueiros
Viveiro, 5 de febreiro de 2024. A candidata socialista ás eleccións autonómicas pola provincia de Lugo Mayra García Bermúdez avanzou este luns en Viveiro que cando José Ramón Gómez Besteiro sexa Presidente da Xunta de Galicia priorizará a política de vivenda, impulsando un plan de choque, “logo dunha década perdida” neste ámbito “pola incompetencia do PP, que non sabe xestionar”.
A número 3 da lista do PSdeG pola provincia, xunto á tamén candidata Catalina Fernández, a Alcaldesa de Viveiro, María Loureiro, e a Deputada autonómica Patricia Otero, lamentou que o Goberno galego, primeiro con Feijóo e agora con Rueda, “leve desaparecido en materia de vivenda, mentres que con Besteiro, será un dos nosos piares do Goberno”. “Co goberno de Touriño construíronse 10.000 vivendas de protección oficial, fronte ás só 6.000 dos últimos 15 anos de goberno popular”. “O PP non ten capacidade para xestionar os fondos europeos que lle transfire o Estado para esta materia nin noutras, o que se traduce en que non poñen a disposición dos galegos e galegas as vivendas que tanto precisan. Non podemos seguir cun Goberno inoperante”, denunciou.
A Alcaldesa de Viveiro exemplificou o abandono da Xunta ás políticas de vivenda co que acontece na cidade do Landro, onde agora mesmo o Goberno galego ten sete vivendas vacantes no Pedregal, “que non están en condicións de ser habitadas”, pois son necesarias obras nelas antes de sortealas. Loureiro incidiu en que, a maiores, a Xunta ten un inmoble que adquiriu no ano 2006 na rúa Rosalía de Castro para a execución de varias vivendas, “pero nin empezaron, e nestes momentos non cumpre as condicións de seguridade e salubridade, polo que contactamos co Goberno galego porque é urxente que actúen nel”.
2.500 vivendas públicas anuais
Besteiro, explicou Mayra García Bermúdez, propuxo unha batería de medidas en materia de vivenda. Entre elas está acadar unha media de 2.500 vivendas públicas anuais, o desenvolvemento dun Plan efectivo de rehabilitación da vivenda baleira, a elaboración dun mapa galego de vivendas inacabadas que permita coñecer a magnitude do problema, aplicar a Lei de Vivenda delimitando áreas tensionadas que permiten limitar os prezos dos alugueiros nos concellos que o soliciten ou axudar á rehabilitación, entre outras políticas concretas.
Tamén explicou en Viveiro que o Goberno de Besteiro reparará de xeito decidido nos mozos e mozas, porque “teñen unha dificultade extraordinaria para atopar unha vivenda e, sobre todo, para desenvolver o seu proxecto vital”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
