Esta firma foi unha das 104 beneficiarias das axudas que a Xunta mobilizou para compensar ás empresas de comercialización ao por maior e transformación dos efectos do incremento de prezos ocasionados pola invasión de Ucraína
Xove, 6 de febreiro de 2024. O conselleiro do Mar, Alfonso Villares, destacou o esencial labor feminino dentro da cadea mar-industria galega e, en concreto, na industria da transformación e a conserva, onde elas representan máis de dúas terceiras partes da forza de traballo total. Ademais, enxalzou o exemplo dunha empresa como Curricán que, nacida como unha iniciativa de mulleres que viven na costa de Lugo, contribúe a poñer en valor, pola vía da innovación, a forma tradicional de facer conservas da zona.
Así o manifestou durante a visita á factoría da produtora das conservas de alta calidade baixo a marca Currimar no municipio lucense de Xove, onde estivo acompañado polo director xeral de Pesca, Acuicultura e Innovación Tecnolóxica, Antonio Basanta, e o alcalde da localidade, José Demetrio Salgueiro Rapa. Tamén destacou o feito de que co apoio de varios departamentos da Xunta, do concello e do grupo de acción costeira (hoxe GALP) Mariña-Ortegal estas emprendedoras se lanzasen no ano 2012, em plena crise, a xerar riqueza e transformar produtos tipicamente unidos ao mar e a Galicia e da Mariña, como pode ser o bonito que se captura en cada costeira.
O titular de Mar aplaudiu un modelo de negocio que aposta de forma decidida pola innovación como fórmula para revalorizar a tradición, cunha elaboración de produtos gastronómicos artesáns a pequena escala e de excelencia contrastada como son o bonito do norte de Burela, ostras ao natural conservadas en auga de mar ou cun escabeche cítrico, ou pratos preparados como fabas con polbo, marmitako de bonito, este túnido en salsa de tomate ou calamares na súa tinta. Todos envasados en cristal e de forma artesá.
Curricán foi unha das 104 beneficiarias do apoio por máis de 6,3 millóns de euros da Consellería do Mar para compensar ás empresas de comercialización ao por maior e transformación dos produtos da pesca, marisqueo e acuicultura, dos efectos do incremento de prezos ocasionados pola invasión de Ucraína.
Este respaldo permitiu afrontar sobrecustos motivados polo conflito en materias primas como a fariña, o pan relado, aceites de oliva e xirasol, por un lado, tamén os envases, embalaxes de madeira, cartón, plástico, vidro e metal, entre ellos las latas de las conservas, por outro; e tamén as altas facturas que pagaron polo cloro, gases refrixerantes ou enerxías como a electricidade o gas.
Falta de apoio estatal
Fronte a estas axudas, o sector segue a espera de ver, negro sobre branco, como se materializa o Perte propio polo que a cadea mar-industria leva agardando tres anos. De entrada, o sector reclamara que ascendese a 400 millóns de euros, aínda que os primeiros anuncios desde o Goberno central reducirían a aportación a unha décima parte, uns 50 millóns. Alfonso Villares reiterou que un sector estratéxico para a alimentación de España e Europa debería recibir un trato equiparable ao da industria agroalimentaria, que contou no seu perte con máis de mil millóns de euros.
Ademais do acceso aos fondos europeos habilitados para a recuperación económica postcovid, o representante autonómico insistiu unha vez máis en que o sector primario, os produtos alimenticios do mar e a carne, merecen deixar de estar vetados das rebaixas do IVE que están a desincentivar o seu consumo fronte a alimentos que si gozan desta vantaxe fiscal. Desde o mundo do mar e do agro levan anos reclamando este descenso do imposto sen ser escoitados polo Goberno que encabeza o socialista Pedro Sánchez, un grave erro que está a danar actividade dun sector estratéxico.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
