Pide o voto para a Galicia unida dentro da diferenza, que resolve os problemas e non perde o tempo, na que os galegos pagan menos impostos, na que as familias poden estar tranquilas porque os seus fillos contan cunha educación pública gratuíta e na que os maiores poden envellecer onde queiran e ter a vida que queiran
Ribadeo, 6 de febreiro de 2024. O presidente e candidato do PPdeG, Alfonso Rueda, manifestou hoxe a súa intención de seguir construíndo a partir do 18 de febreiro “unha Galicia de todos e para todos, pensen o que pensen e vivan como vivan”.
Pediu o voto para a Galicia unida dentro da diferenza, que resolve os problemas e non perde o tempo, que atrae investimentos, que está a carón da xente do mar e do sector primario, na que os galegos pagan menos impostos, na que as familias poden estar tranquilas porque os seus fillos contan cunha educación pública gratuíta e na que os maiores poden envellecer onde queiran e ter a vida que queiran.
“Pido a maioría necesaria para non pactar con ninguén máis que coa xente que me deu a súa confianza e pido tamén que votedes como votastes nas eleccións municipais e xerais”, afirmou dirixíndose aos ribadenses que fixeron alcalde a Daniel Vega e que fixeron de Lugo a provincia con maior apoio ao Partido Popular de toda España o 23 de xullo.
Para iso Rueda ofrece a todos os galegos –e hoxe concretamente ás máis de 350 persoas que enchían o Cine Teatro de Ribadeo e entre as que se atopaba a súa nai, Lola de Valenzuela– toda a súa convicción e confianza para gañar con argumentos, con razóns, cun programa e “cunha única razón de ser que non é gañar por gañar, senón seguir traballando por Galicia”.
O líder dos populares galegos reivindicou que Galicia non necesita importar modelos como o de Podemos, que aínda está orgulloso da Lei do só si é si que rebaixou a pena a máis de 1.200 agresores sexuais e deixou na rúa a máis de 120; o de Sumar, que da leccións sobre como hai que vivir cando é un partido resultante da división; ou o dun PSOE que di si a todo o que veña de Pedro Sánchez aínda que non sexa nada bo para Galicia.
E moito menos o dun BNG ao que non lle gusta que lle recorden que van en coalición con Bildu, apoia a amnistía, pide a liberación de presos de ETA ou “di amén a que cada galego teña que pagar 400 euros para condonarlle a débeda ao independentismo catalán”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
