O conselleiro insiste na importancia de mellorar, por un lado, a instrución dos futuros profesionais desta actividade, e por outro, as condicións laborais e seguridade, pois son as dúas claves para aumentar o atractivo sectorial entre os máis novos
Viveiro, 7 de febreiro de 2024. O conselleiro do Mar, Alfonso Villares, sinalou que a Xunta ten na súa aposta polas ensinanzas náutico-pesqueiras e a formación do sector unha das principais vías, xunto coa mellora nas condicións de traballo, para contribuír a garantir a remuda xeracional nun sector tan estratéxico como é o do mar. De feito, recordou que nas contas do departamento que comanda un dos capítulos con maior incremento de fondos foi o das ensinanzas pesqueiras, que medra un 6,5 % e rolda unha cifra histórica próxima aos 10,6 millóns de euros.
O titular de Mar, acompañado pola xefa territorial na Mariña, Mariña Gueimunde, destacou a importancia de formarse ben para acceder con bo pe ao sector durante a visita que realizou á decena de alumnos do curso para acadar o certificado como percebeiro que ten lugar ata o vindeiro venres na Aula de Formación Pesqueira de Celeiro.
En 2023 celebráronse 22 destes cursos para acadar a certificación como mariscador e como percebeiro e este ano está previsto que suban ata os 26, tendo em conta que nas confrarías este tipo de formación impártese a demanda cando existe un mínimo de interesados.
Ademais da atividade formativa que visitou o conselleiro en Celeiro haberá un curso para futuros percebeiros na Escola Oficial Náutico Pesqueira de Ferrol; na de Ribeira catro para mariscadores e tres para recolectores de percebe; no Instituto Marítimo Pesqueiro do Atlántico de Vigo serán nove (4 cursos de mariscador e 5 de percebeiros); no Instituto Galego de formación en Acuicultura (Igafa) sete para mariscadores; e un mais para percebeiros ou percebeiras que terá lugar entre maio e xuño na confraría de Malpica.
No caso do percebe na actualidade hai un total de 245 permisos para profesionales a pé, mentres que para o percebe a flote figuran 492 embarcacións pertencentes a frota de artes menores dados de alta, con 779 tripulantes acreditados. Esta actividade xerou en 2023 un volume de negocio que superou os 8,7 millóns de euros, cun total de 230,5 toneladas de produción deste crustáceo tan representativo do litoral galego.
Hai futuro no mar
O conselleiro insistiu en que Galicia ten un gran futuro vinculado co mar, sinalando que é fundamental, por un lado, dar facilidades para a instrución dos futuros profesionais da actividade e, por outro, mellorar as condicións laborais e a seguridade tanto en terra como a bordo, pois son as dúas claves para conseguir incrementar o atractivo do sector e que se interesen máis mozos en acadar un traballo seguro e ben remunerado.
Na última década saíron dos centros de formación dependentes da Consellería do Mar preto de 1.725 titulados profesionais en ensinanzas marítimo-pesqueiras, despois de que a matrícula nestas escolas de formación medrase arredor dun 60% desde 2009.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
