Nota de Prensa
RAQUEL ARIAS DESTACA O “APOIO DECIDIDO” DE SANIDADE AO HOSPITAL COMARCAL DE BURELA, NO QUE SE INVESTIRON 1,5 MILLÓNS DE EUROS
A delegada territorial, Raquel Arias, inaugurou hoxe no centro a oitava edición da Reunión Formativa da Sociedade Galega de Medicina Interna
Burela, 1 de outubro de 2010.- A delegada territorial da Xunta, Raquel Arias, destacou hoxe o “apoio decidido da Consellería de Sanidade aos hospitais comarcais e a súa vontade de potencialos e dotalos de maior autonomía”. Así o manifestou durante a inauguración da VIII Reunión Formativa da Sociedade Galega de Medicina Interna, que reuniu no Hospital de Burela a numerosos profesionais de Asturias e Galicia.
Arias afirmou que a Consellería de Sanidade investiu 1,5 millóns de euros “na mellora da carteira de servizos, da calidade asistencial e das infraestruturas sanitarias”, precisando que “non me refiro só á mellora de espazos físicos do Hospital senón tamén á inversión en equipos que se está a levar a cabo”. Como exemplo, lembrou a recente compra dun novo ecógrafo e un ecocardiógrafo para o centro.
A delegada aplaudiu o interese das médicas e médicos e actualizar os seus coñecementos para dar sempre o mellor servizo aos doentes. “Vos cumprides coa vosa parte –sinalou- e a Xunta aborda a súa, achegando máis e mellores medios para diagnosticar e tratar as doenzas”.
Raquel Arias destacou a completa asistencia sanitaria que presta o Hospital de Burela. “Neste centro –afirmou- só o 2% dos doentes son derivados a outros hospitais polos cadros clínicos que presentan”.
Incidiu, ademais, en que se trata dun servizo de calidade, “e así o manifestan os usuarios que acoden a este hospital, xa que máis do 80% valoran positivamente a excelencia da atención que reciben”.
Por último, recoñeceu o “importantísimo papel” que desempeñan “todos os profesionais que integran este complexo hospitalario. Eles, ao igual que todos vostedes, actúan movidos por unha forte vocación persoal e de servizo aos demais”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
