Lugo, 22 de febreiro, 2024. Ningún Aro Sen Rede, un proxecto da UNED de Lugo, a Fundación Breogán e a empresa Ecoballution, xorde da idea de lograr sinerxías necesarias para prover a aqueles centros escolares que o necesiten de redes de baloncesto artesanais, recicladas e sustentables.
Nesta iniciativa, activa desde o curso 2022-2023, as entidades fundadoras fan visitas aos centros educativos para pór en marcha a actividade. Con esta última visita ao CEIP Plurilingüe de Muimenta, complétanse as visitas a todos os centros educativos inscritos no programa da iniciativa “Ningún Aro Sen Rede”, sumando un total de 10.
Nesta ocasión, os/as 45 alumnos e alumnas de centro escolar tiveron a oportunidade de coñecer ao xogador profesional do Club de Baloncesto Breogán, Sergi Quintela. A actividade foi impartida polo Director da Fundación, Salvador Arco, a directora da UNED, Ana Traseira e a bióloga ambiental do centro, Paula Fernández. Durante o transcurso da actividade explicaron aos estudantes en que consiste o proxecto, desde o material do que están feitas as redes de Ecoballution até a importancia da reciclaxe do material escolar. Despois, deron paso á parte lúdica da visita, onde profesorado e estudantes puideron participar en competicións de baloncesto para conseguir distintos agasallos proporcionados polo club e a universidade.
Trátase dunha pequena acción que pretende ser exemplo de economía circular, fomentando e respectando algún dos principios e valores da Axenda 2030 da ONU. A partir de agora é o momento de que todos os colexios participantes no programa reciclen o maior número posible de material de escritura para gañar un dos premios da edición 2023/2024 do programa “Ningún Aro Sen Rede”.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
