Lembro, aló polo 2003-2004, que co gallo do denominado “Plan Galicia” se falou da necesidade de fortalecer o Eixo do Cantábrico nas infraestruturas e, por que non, ver se algún día se facía unha liña de AVE. Pasados vinte anos, isto é un sarcasmo.
O certo é que o Eixo do Cantábrico non pasou nunca de ser unha reivindicación retórica dalgúns partidos para desgastar o gobernante da quenda en Madrid ou Santiago. Por exemplo, no ano 2000, PSOE, BNG manifestáronse para reclamar o trazado costeiro da A-8 que, ao final, seguiu paralelo á vella N-634 deixando o mar en Barreiros. Lembro tamén certa manifestación que organizara o PP no Vicedo en febreiro de 2008 para reclamar a construción do corredor Ferrol-San Cibrao e enlazar, así, coa futura A-85, dependente do Estado que cubriría o resto do camiño até chegar á A-8. Constatemos feitos en abril de 2024: a A-85 non ten un só quilómetro en servizo e o corredor Ferrol-San Cibrao non ten tampouco ningún quilómetro desdobrado.
A nosa conexión natural con Europa como comarca (e tamén como país) non é con Madrid, é polo Cantábrico, abonda con mirar nos mapas. Dicir isto sería obvio, agás na España das infraestruturas radiais, onde todo parte de Madrid ou ten que ir a Madrid. E isto ten consecuencias no deseño das autoestradas, dos camiños de ferro e das infraestruturas en xeral.
Cales son as consecuencias desta inercia? A Mariña ten un continuum urbano ben estruturado e policéntrico, pero require dunhas infraestruturas que faciliten as sinerxias. Non as ten, e isto supón prexuízos para a vida cotiá dos cidadáns, pero, tamén, perda de oportunidades económicas e de competitividade.
Non é de recibo que non exista unha liña de camiños de ferro de proximidade entre O Barqueiro e Ribadeo. A FEVE, na actualidade na Mariña, non é unha alternativa de transporte público porque só ten catro frecuencias diarias, sen coherencia coas esixencias do mercado laboral e incumpre con frecuencia os horarios estabelecidos por múltiples problemas.
Non é de recibo a lentitude coa que avanzan os trámites para construír as autovías na Mariña, tanto nos treitos que dependen da Xunta de Galicia como nos que dependen do Estado. Lembremos que pasaron décadas (décadas!) sen que se movese unha soa pa, ás veces por discrepancias no trazado, ás veces pura e simplemente por falta de cartos e, outras veces, porque a cousa quedou aí. O certo é que pasaron 20 anos dos primeiros anuncios, 20 anos…
E non é de recibo que non exista un plano de infraestruturas integral e específico para A Mariña, considerando o transporte de viaxeiros e mercadorías. A nosa comarca ten que vertebrarse, tamén, de leste a oeste para que a mobilidade entre os principais núcleos de poboación sexa máis fácil, e cómpre dar resposta xa a esta necesidade.
O Eixo do Cantábrico non é un capricho nin enxeñaría social: é normalizar nas infraestruturas o que, demográfica, económica e socialmente xa é o normal. É tan difícil facilitarlle a vida á xente?
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
