Ribadeo, 19 de abril, 2024. A empresa internacional E2 IN2 S.A, cuxo Presidente está vinculado a Ribadeo; EOditorial, que este ano está a impulsar temas relacionados con Ribadeo e a súa comarca; Librería Vivin é o negocio máis antigo de Ribadeo e celebra este ano os 95 anos de existencia.
A idea de crear este Certame, xorde por mor de que as tres empresas, atópanse realizando un proxecto para dar a coñecer a vida e obra do poeta gauchesco Jose Mª Alonso-Trelles e Jaren, coñecido como “El Viejo Pancho”, que este ano se cumpre o Centenario do seu falecemento. Concretamente trátase dun libro onde se recollen a maioría dos traballos realizados sobre a figura do poeta desde os seus inicios no mundo da poesía; colaboracións de destacadas personalidades da cultura de Galicia e Uruguai, participando tamén as principais institucións vinculadas ao mundo cultural de ambos os países, así como documentos inéditos que no ano 2008, foron regalados por Paco Trelles, neto do poeta a Pablo Rodriguez “Vivin”.
O Certame conta coa colaboración dos diversos centros de ensino, así como da bibliotecas municipais. Xa que con esta iniciativa, pretendemos impulsar a afluencia da mocidade ás bibliotecas.
Tamén participan colaborando diversas librerías da xeografía española, divulgando a existencia do Certame.
O motivo de darlle un carácter internacional, é rememorar un Certame similar que se convocou en Ribadeo no ano 1954, baixo a denominación “Certame Literario Hispano – Uruguaio – El Viejo Pancho”, para iso contamos co apoio de diferentes institucións, colectivos e medios informativos, alén do Atlántico.
Con todos aqueles traballos seleccionados para a fase final, editarase un libro.
Crearase unha páxina web e en redes sociais, iranse incorporando os traballos recibidos, ata o día 30 de setembro, sendo o fallo do xurado o día 12 de outubro, como ocorreu no ano 1954. Preténdese que o Certame teña continuidade nos seguintes anos.
Dar a coñecer a figura de “El Viejo Pancho” aos mozos de hoxe en día, tanto nestas terras, como nas que acolleron a miles de emigrantes, e que quede ese recordo para xeracións vindeiras é o obxectivo final deste certame.
Ademais da edición do libro, como a convocatoria do Certame, existen outras iniciativas que pode acábense materializando, xa que este ano, “os ribadenses debemos poñer en valor a figura de Alonso e Trelles”.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
