Nota de Prensa
PARA O BNG A DECISIÓN DA DELEGACION DE TRABALLO DE ACEPTAR O ERE DE SARGADELOS E POLÍTICA
As xestións e mediación de Balseiro e o alcalde de Cervo coa Xunta so beneficiaron á dirección da empresa
Os nacionalistas acusan a Balseiro e á Delegación Provincial da Consellaría de Traballo de ser os grandes responsábeis dos despedimentos en Sargadelos.
Nin a Inspección de Traballo nin a Delegación da Consellaría de Traballo atenderon as alegacións sindicais nin revisaron as contradicións ás fan referencia nos seus propios informes sobre a proporcionalidade da medida e a elección das persoas afectadas.
Cervo, 9 de outubro de 2010. O BNG de Cervo cualificou de “decisión política” a aceptación da Delegación de Traballo en Lugo do ERE de Sargadelos e acusou a Balseiro e ao alcalde de Cervo de traizoar aos seus veciños e veciñas coas súas xestións e mediacións diante da Xunta. Os nacionalistas lembraron que Balseiro comprometíase en maio de 2009 a facer xestións “para evitar un só despedimento”, despois xunto co alcalde acompañaron a representantes do cadro de persoal e á empresa a sendas reunións coa Inspección de Traballo, aprobaron co seu voto no pleno de Cervo o rexeitamento do ERE e poucos días despois o Sr. Balseiro votaba en sentido contrario na sede do parlamento Galego unha iniciativa similar. Descoñécese en que sentido fixeron as xestións Balseiro e Villares cando a Delegación Provincial de Traballo informou favorabelmente o ERE e os despedimentos sen ter en conta as alegacións sindicais nin o contraditorio informe da Inspección de Traballo que a Delegación de Traballo so viu en parte, naquela que interesaba á parte empresarial.
As xestións e mediación de Balseiro e o alcalde de Cervo coa Xunta so beneficiaron á dirección da empresa
Para o BNG de Cervo a decisión da Delegación de Traballo en Lugo sobre o ERE de Sargadelos e unha “decisión política bochornosa que deixa sen traballo a 26 persoas sen unha xustificación clara”. Os nacionalistas non dubidan en cualificar de “traizón aos seus veciños e veciñas” a participación mediadora do alcalde de Cervo, Alfonso Villares e o Tte. alcalde e parlamentar, José Manuel Balseiro, “que mais que traballar a favor do mantemento dos postos de traballo en Sargadelos, semella que o fixeron en sentido contrario” en contraste co traballo realizado polo alcalde nacionalista de Sada que ademais de facer presión política dende o seu concello e os do seu entorno, mediou con eficacia diante da Delegación Provincial de Traballo e todos aqueles organismos que tiñan algo que dicir na resolución do ERE presentado en Cerámicas do Castro.
Para o BNG a insistencia do alcalde de Cervo e do parlamentar, Jose Manuel Balseiro, en “lavarse a cara e botar culpas a outros” so pretende agochar a realidade de que a Consellaría de Traballo e quen decide sobre a aceptación dos despedimentos en Cervo e estes dous señeres “xa sexa por acción ou por omisión foron incapaces de defender os intereses dos seus veciños”. Os nacionalistas lembraron que Balseiro leva moitos compromisos incumpridos neste asunto, o último que a Consellaría mirara con lupa o expedente e polo que se veu miraron con lupa mais so aquelo que interesaba á parte empresarial”.
Para o BNG de Cervo estamos diante dunha decisión política que contradí non so a resolución no Castro senón que tamén pon en cuestión a boa fe da Inspección e especialmente da Delegación de Traballo en Lugo.
Para os nacionalistas “e decepcionante” ver como dous organismos como a Inspección de Traballo e a Delegación Provincial do ramo en Lugo, “dos que se agarda boa fe”, toman decisións contraditorias coas súas homólogas coruñesas tendo en conta a situación económica do Sargadelos, “recoñecida pola propia dirección do grupo empresarial como mellor que a de Cerámicas do Castro”. Abundando nestas decisións, e relevante que a Delegación da Consellaría de Traballo en Lugo “non tome en consideración as alegacións presentadas polos sindicatos e representación do cadro de persoal”, e que do informe de Inspección “so atenda ao que interesa á parte empresarial”, pasando por alto argumentos que tamén se recollen no mesmo informe sobre a mellora económica da empresa no primeiro semestre de 2010 que reflexan “avances cara a unha estabilización e relanzamento da actividade”, “á non coincidencia entre o estudo de viabilidade presentado pola empresa e as seccións onde se reduce persoal”, así como tampouco toma en consideración “a falta de acreditación da necesidade e oportunidade de levar a cabo o número de extincións propostas” nin a existencia de “xustificación sobre o sistema utilizado para designar ás persoas afectadas polo despedimento”.
Por último, dende o BNG cervense agardaron que Dirección Xeral de Relacións Laborais da Xunta de Galiza, que será quen tome a decisión definitiva, unifique criterios e poña orde na contradición e na decisión claramente inxusta e sesgada da Delegación Provincial de Lugo.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
